Zoran Tegeltija: Bosniski politikar, ministerski prezident
Zoran Tegeltija (* 29.
septembra">29. septembra 1961 w Mrkonjić Gradźe, Juhosłowjanska) je bosniski politikar, kiž bě wot 23. decembra 2019 hač do 25. januara 2023 předsyda ministerskeje rady (ministerski prezident).
.jpg)
Tegeltija studowaše w Sarajewje při fakulće za hospodarske wědomosće. Do swojeho zastupa do politiki dźěłaše we wolijowej rafineriji a potom w dawkowym a cłownym zarjadnistwje Republiki Srpskeje (RS). Wot lěta 1998 je z čłonom strony SNSD, najsylnišeje strony Južnych Serbow w Bosniskej a Hercegowinje. W lěće 2000 sta so ze zapósłancom narodneje zhromadźizny RS. 2004 a znowa 2008 bu za měšćanostu swojeho ródneho města woleny. Wot decembra 2010 bě finančny minister Republiki Srpskeje w kabinetomaj Džombić a Cvijanović I.
Dnja 5. decembra 2019, wjace hač lěto po parlamentowych wólbach, powołachu jeho za noweho ministerskeho prezidenta Bosniskeje a Hercegowiny. Z jeho naslědnicu po wólbach 2022 sta so Chorwatka Borjana Krišto.
Jure Pelivan | Mile Akmadžić | Haris Silajdžić | Hasan Muratović | Haris Silajdžić | Boro Bosić | Svetozar Mihajlović | Spasoje Tuševljak | Martin Raguž | Božidar Matić | Zlatko Lagumdžija | Dragan Mikerević | Adnan Terzić | Nikola Špirić | Vjekoslav Bevanda | Denis Zvizdić | Zoran Tegeltija | Borjana Krišto
This article uses material from the Wikipedia Hornjoserbsce article Zoran Tegeltija, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.