Ulrich Pogoda (tež Ulli; * 31.
julija">31. julija 1954 w Kulowje) je serbski komponist a rozhłosowy redaktor.
Pogoda studowaše wot 1974 do 1978 při Inženjerskej wyšej šuli w Choćebuzu a je wysokošulski inženjer za twarstwo. Wot 1978 do 1985 absolwowaše hudźbne dalekubłanje w dalokostudiju při Weimarskej hudźbnej wysokej šuli kaž tež při konserwatoriju w Choćebuzu. Wot lěta 1985 dźěłaše jako hudźbny redaktor pola Choćebuskeho sćelaka a wot 1992 přisłuša tehdy załoženej serbskej redakciji sćelaka ORB/RBB.
Wot swójskich twórbow Pogody wuda Ludowe nakładnistwo Domowina w lěće 2003 jeho Sinfoniske twórby (1. Concerto saxofonia; 2. Zymski lěs; 3. Serbska reja; 4. Sinfonisches Poem; 5. Stufen).
W lěće 1991 spožči so Ulrichej Pogodźe za swoje zasłužby wo serbsku hudźbu Myto Domowiny.
This article uses material from the Wikipedia Hornjoserbsce article Ulrich Pogoda, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.