Swójbne Mjeno: Dźěl wosoboweho mjena
Swójbne mjeno je dźěl mjena jednoho čłowjeka.
Wone zwuraznja porno předmjenu přisłušnosć k jednej swójbje. W srjedźnej Europje su so swójbne mjena wot 12. lětstotka sem poněčim zawjedli.
System swójbnych mjenow so we wšelakich rěčach rozeznawa. W serbšćinje mamy nimo muskeje formy swójbneho mjena tež wosebite formy za njewudate a wudate žony – holčace a žónske mjena. Tak wotwodźujetej so wot muskeho mjena Šołta holčaca forma Šołćic a žónska forma Šołćina. Tute rozeznawanje w němčinje móžne njeje.
W zašłych lětstotkach běchu na wsy husto dworowe mjena znaćiše a wažniše hač swójbne mjena, tak zo móžeše so přidatne mjeno swójby z přećahom na druhi dwór změnić.
Swójbne mjena skića tež dohlady do etnografiskich stawiznow jedneje kónčiny. Tak je na přikład wulki dźěl swójbnych mjenow we Łužicy a druhich regionach wuchodneje Němskeje słowjanskeho pochada.
Literatura
- Matej Handrik: Serbske swójbne mjena. Budyšin 1904 (digitalizat)
- Walter Wenzel: Lausitzer Familiennamen slawischen Ursprungs. LND, Budyšin 1999
Wotkaz
Commons: Swójbne mjena – Zběrka wobrazow, widejow a awdiodatajowThis article uses material from the Wikipedia Hornjoserbsce article Swójbne mjeno, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.