Mjezynarodny Folklorny Festiwal Łužica: Folklorny festiwal we Łužicy
Mjezynarodny folklorny festiwal Łužica je najwjetše folklorne zarjadowanje we Łužicy a wotměje so wot lěta 1995 kóžde druhe lěćo w Budyšinje, Chrósćicach a Hochozy.
Wot organizaciskeho komiteja Domowiny wuhotowany a wot załožby spěchowany festiwal traje wot štwórtka do njedźele a ma cyłkownje něhdźe 10.000 wopytowarjow.
Festiwal započnje so štwórtk wječor ze swjedźenskim ćahom po Budyšinje a swjatočnym zahajenjom na hrodźe. Pjatk wustupuja serbske a mjezynarodne skupiny w delnjołužiskej Hochozy. Sobotu a njedźelu su Chrósćicy srjedźišćo programa. Na Chróšćanskich burskich statokach wotměje so sobotu wodnjo folklorny a hudźbny program. Sobotny wječor z wulkim koncertom je dalši wjeršk festiwala. Njedźelu dopołdnja slěduja wjacerěčne kemše pod hołym njebjom a swjedźenski ćah wobdźělnikow po wsy ze zakónčacym programom na swjedźenskej łuce při sewjernej kromje wsy.
Serbska skupina Wusmuž tematizuje folklorny festiwal „Łužica“ we swojim spěwje Festiwal.
Sobuskutkowacy
Nimo serbskich a druhich słowjanskich rejowanskich a folklornych ansamblow su za čas festiwala skupiny ze wšeho swěta z hosćom we Łužicy, wosebje pak zastupjerjo narodnych mjeńšin. Dotal skutkowachu skupiny ze slědowacych krajow sobu:
- 1995: wuchodoeuropske kraje (kašubska skupina z Pólskeje, skupina madźarskeje mjeńšiny ze Słowakskeje a Słowjenjo z Korutanskeje)
- 1997: Awstriska, Čěska, Italska, Letiska, Pólska, Rumunska, Serbiska, baletowa skupina ze Španiskeje
- 1999: Awstriska, Čěska, Madźarska, Pólska, Rumunska, Słowakska, Ukraina
- 2001: Čěska, Georgiska, Chorwaća z Awstriskeje, Madźarska, Pólska, Rumunska
- 2003: Bołharska, Čěska, Francoska, Letiska, Madźarska, Pólska, Rumunska
- 2005: Awstriska, Cypernska, Francoska, Italska, Pólska, Ruska, Słowakska
- 2007: Bołharska, Čěska, Indoneska, Mexiko, Pólska, Ruska, Španiska
- 2009: Awstriska, Běłoruska, Čěska, Georgiska, Kolumbiska, Madźarska, Rumunska, Słowjenska
- 2011: Čěska, Chinska, Pólska, Słowakska, Turkowska, Vietnam
- 2013: Awstralska, Jakutska, Kanada, Awstriska, Pólska, Słowakska, Čěska, Madźarska
- 2015: Estiska, Georgiska, Indiska, Mexiko, Paraguay, Słowakska, Słowjenska, Čěska, Madźarska
- 2017: Běłoruska, Burundi, Čěska, Egyptowska, Grjekska, Chorwatska (Češa), Italska, Kolumbiska, Madźarska (Słowacy), Norwegska, Pólska (Goralojo), Rumunska (Madźarojo), Słowakska, Zjednoćene staty
- 2019: Algeriska, Awstriska (Hrodowska), Boliwiska, Čěska, Georgiska, Madźarska, Nepal, Peru, Pólska, Ruska, Sewjerna Makedonska, Słowakska, Słowjenska
Wotkaz
This article uses material from the Wikipedia Hornjoserbsce article Mjezynarodny folklorny festiwal Łužica, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.