Michał Žur (němsce Michael Sauer; * 19.
septembra">19. septembra 1868 w Hózku, † 7. awgusta 1929 w Groß Kottorzu) bě serbski katolski farar a spěchowar serbsko-pólskeje wzajomnosće.
Narodźi so jako syn Hózkowskeho młynka a wopytowaše w Budyšinje najprjedy Tachantsku šulu (1881–83) a potom gymnazij (1883–90). Wot 1890 do 1894 studowaše we Wrócławju teologiju a wostawaše tež po zakónčenju studija w Šleskej. Tam bě z kapłanom w Kollanowitzu (1894), Reibnitzu (1895–97) a Ellguth Turawje (1897–1919), wšitke we wokolinje Opola. Wot 1919 hač do swojeje smjerće w lěće 1929 bě z fararjom w Groß Kottorzu (Kotórz Wielki).
Žur skutkowaše jako duchowny mjez Polakami Hornjeje Šleskeje a stwori wokoło sebje mału serbsku koloniju. Po Prěnjej swětowej wójnje dyrbješe dla rozestajenjow w zwisku z ludowym woprašowanjom wo přichodźe Hornjeje Šleskeje před němskonacionalistiskimi nadpadami ćeknyć a přebywaše chwilu w Kulowje.
Wot lěta 1890 bě z čłonom Maćicy Serbskeje.
This article uses material from the Wikipedia Hornjoserbsce article Michał Žur, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.