Marcel Brauman (* 1963 w Hamburgu; němsce Marcel Braumann, pseudonym Piwarc) je serbski žurnalist a blogowar.
Wot 1. decembra 2022 je jako naslědnik Janeka Wowčerja šefredaktor Serbskich Nowin.
Syn znateho wójnskeho reportera Randy Braumann wotrosće w Hamburgu a přesydli so 1991 do wuchodneje Němskeje. Serbšćinu nawukny jako dorosćeny. Wot 2020 bě wón nowinski rěčnik Domowiny a wosobinski referent předsydy Dawida Statnika. Do toho dźěłaše dwaceći lět, wot 2000 do 2019, jako nowinski rěčnik frakcije Lěwicy w Sakskim krajnym sejmje. Wot 1992 do 1999 dźěłaše w redakciji nowiny Neues Deutschland.
Znaty bu w Serbach předewšěm jako awtor bloga Piwarc, w kotrymž podawki w serbskej Łužicy kritisce komentowaše.
Brauman bydli we Łuze.
This article uses material from the Wikipedia Hornjoserbsce article Marcel Brauman, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.