Lisćowcowy Jemjel
Lisćowcowy jemjel (Viscum album) je rostlina ze swójby sandelowych rostlinow (Santalaceae).
 | |
| Lisćowcowy jemjel (Viscum album) na brězy | |
| systematika | |
|---|---|
| Domena | Eukaryoty |
| Swět | Rostlinstwo |
| Eudikotyledony Jadrowe eudikotyledony | |
| rjad: | (Santalales) |
| swójba: | Sandelowe rostliny (Santalaceae) |
| ród: | Jemjel (Viscum) |
| družina: | Lisćowcowy jemjel |
| wědomostne mjeno | |
| Viscum album | |
| L. | |
Dalše serbske mjena su ptači lěp, lěpikowe zelo, lěpa, jemlina, jemjelina a jemjelnja. Jeho płód je lěpjowka.
Po někotrych žórłach so swójskej swójbje jemjelowych rostlinow (Viscaceae) přirjaduje.
Wopis
Lisćowcowy jemjel je kerk, kotryž docpěwa wysokosć wot 20 hač 50 cm. Rostlina je na štomach rosćeny połpřižiwnik, při čimž rostlina je pak muska pak žónska.
Hałuzy su wjacekróć widličkojće rozhałuzowane.
Łopjena
Łopjena su měnjate, lancetojte abo lancetojće-łopatkojte, kožane a přecozelene.
Kćenja
Kćěje wot februara hač do apryla. Njenahladne kćenja steja po třoch hač po pjećoch w promješkach.
Płody
Płody su błyšćace běłe abo žołtojte a docpěwaja wulkosć wot hač do 1 cm.
Stejnišćo
Rosće na lisćowych štomach, předewšěm na topołach, wjerbach a jabłučinach, ale tež na běłych jědlach a chójnach. Při tym cyca wodu a žiwne sele z žiwićelskych rostlinow, mjeztym wuhlikowe hydraty sam twori.
Rozšěrjenje
Rostlina je w južnej Skandinawiskej srjedźnej a južnej Europje rozšěrjena.
Maćizny
Rostlina wobsahuje jědojte lektiny a wiskotoksiny.
Poddružiny
Po wjazanju na rozdźělne žiwićelowe štomowe družiny so znutřka družiny Viscum album wjacore poddružiny abo "žiwićelowe rasy" rozeznawaja:
- Viscum album subsp. album; synonym Viscum album - na lisćowych štomach
- Viscum album subsp. abietis; synonym Viscum abietis - na běłych jědlach
- Viscum album subsp. austriacum; synonym Viscum laxum - na chójnach
- W lěće 2002 bu z Kretiskim jemjelom (Viscum album subsp. creticum) dalša poddružina wopisana, kotraž jako endemit jenož na kupje Kreta wustupuje a tam na (Pinus halepensis subsp. brutia) jako přižiwnik je žiwa.
Prjedy druhdy jako poddružina (Viscum album subsp. coloratum) wjedźena korejski abo japanski jemjel so porno tomu dźensa jako swójska družina (Viscum coloratum) wobhladuje. Při někotrych awtorach eksistuje aziska poddružina Viscum album subsp. meridianum (Danser) D.G.Long
Nóžki
Žórła
- Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 472 (němsce)
- Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 262 (němsce)
- Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
- Kubát, K. (Hlavní editor): Klíč ke květeně České republiky. Academia, Praha (2002)
- Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
- Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)
Eksterne wotkazy
- Lisćowcowy jemjel. W: FloraWeb.de. (němsce)
This article uses material from the Wikipedia Hornjoserbsce article Lisćowcowy jemjel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.