Klóšter Marijiny doł (němsce Kloster Sankt Marienthal) je cistercienski klóšter pola Wostrowca w Hornjej Łužicy.
Klóšter załoži so w lěće 1234 wot čěskeje kralowny Kunhuty – mandźelskeje krala Wjacława I. – při wikowanskim puću z Prahi do Zhorjelca a je tuž najstarši klóšter cistercienskeho rjada w Němskej, kotryž bjez přestawki hač do dźensnišeho wobsteji.
Klóšter nadeńdźe so mjez Zhorjelcom a Žitawu při lěwym brjoze Łužiskeje Nysy, kotraž tworja němsko-pólsku hranicu. Dla swojeho połoženja bě w zašłosći často wot powodźenjow potrjecheny, kaž na přikład w lěće 2010.
Twarjenja klóštra wužiwaja so dźensa zdźěla za mjezynarodny zetkawanski centrum Marijiny doł. Ke klóštrej słušeja nimo toho pjekarnja, mały rězak a piwarnja.
Klóšter je jeničke hornjołužiske městno zwonka serbskich kónčin, hdźež so tradicija jutrowneho jěchanja haji.
This article uses material from the Wikipedia Hornjoserbsce article Klóšter Marijiny doł, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.