Kito Šwjela: Delnjoserbski wučer a přełožowar
Kito Šwjela (němsce Christian Schwele; * 21.
februara">21. februara 1836 w Zaspach, † 26. januara 1922 w Choćebuzu) bě delnjoserbski wučer, přełožowar a redaktor Bramborskeho Casnika.
Wón bu jako syn bura w delnjołužiskich Zaspach narodźeny a wopytowaše mjez 1853 a 1856 wučerski seminar w Nowej Cali. Wot 1856 hač 1861 bě Šwjela pomocny wučer pola Mjertyna Lejnika w Žargonju. Wot 1861 hač 1866 dźěłaše jako wučer we Wjelikim Wóseńku a wot 1866 w Skjarbošcu pola Drjowka. W lěće 1910 poda so na wuměnk a přesydli so do Choćebuza.
Šwjela bě wjace hač 50 lět (wot 1864 hač 1915) redaktor Bramborskeho Casnika (resp. Bramborskeho Serbskeho Casnika a Bramborskich Nowin) a z tym najwažniši delnjoserbski nowinar swojeje doby.
W lěće 1880 słušeše wón do sobuzałožerjow Maśicy Serbskeje. Jeho syn Bogumił Šwjela bě pozdźišo mjez sobuzałožerjemi Domowiny. Šwjelowy row nadeńdźe so na Choćebuskim Sewjernym kěrchowje.
Nóžki
Žórło
- Gerat Hančka: Šwjela, Kito. W: Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, str. 558
Wotkazaj
- Zawostajenstwo Kita Šwjele w Serbskim kulturnym archiwje
- Werner Měškank: Kito Šwjela – pomniki z bronze, kamjenja a papjery. W Rozhledźe 10/2020, str. 16–22
This article uses material from the Wikipedia Hornjoserbsce article Kito Šwjela, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.