Jan Bryl: Serbski wučer, stawiznar a narodny prócowar
Jan Bryl (* 20.
měrca">20. měrca 1879 w Starej Cyhelnicy; † 30. decembra 1931 w Budyšinje) bě serbski wučer, stawiznar a jedyn z nawodow Serbskeho narodneho wuběrka po Prěnjej swětowej wójnje.
Bryl bě chowanc Serbskeho seminara a studowaše tež w Praze, hdźež załoži w lěće 1907 z Cyrilom Wjeńku a bratromaj Francom a Josefom Pátu „Čěskoserbske towaŕstwo Adolf Černý“, předchadnik dźensnišeho Towarstwa přećelow Serbow. Skutkowaše potom wot 1907 hač k rewoluciji w lěće 1917 jako gymnazialny wučer w Moskwje. Kónc swětoweje wójny wróći so domoj a wobdźěli so při narodnym hibanju we Łužicy a poby zhromadnje z Arnoštom Bartom tež na měrowej konferency w Parisu. W druhim połlěće 1919 běše někotre měsacy z redaktorom politiskeho tydźenika Serbske Słowo.
Je napisał rjadu drobnych naćiskow a přełožowaše z čěšćiny a rušćiny. Zestaji w lěće 1920 Serbske stawizny w zańdźenosći a přitomnosći. Wot 1908 bě čłon Maćicy Serbskeje.
Jan Bryl bě woženjeny z Hilžu Kerkec, dźowku serbskeho wučerja a spisaćela Jana Awgusta Kerka a sotrowču Arnošta Muki.
Nóžki
Žórła
- Jurij Młynk: Bryl, Jan. W: Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, str. 80sl.
- Josef Páta: Lužickosrbská čítanka, online
Wotkaz
This article uses material from the Wikipedia Hornjoserbsce article Jan Bryl, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.