Hanka Jenčec (němsce Anne Jentsch; * 1983 w Hali nad Solawu) je němsko-serbska swobodna awtorka.
Narodźi so w Hali a přesydli so ze staršimaj w starobje dweju lětow do Budyšina, hdźež dwurěčnje narosće. Wopytowaše Budyski Serbski gymnazij a złoži tam w lěće 2001 maturu. Po praktikumje w Praze běše lěto z elewku w Němsko-Serbskim ludowym dźiwadle. Po tym studowaše w Lipsku sorabistiku, filozofiju kaž tež powšitkowne a přirunowace literarne wědomosće. Wot 2004 do 2008 studowaše na Berlinskej Uniwersiće wuměłstwow sceniske pisanje. Wot lěta 2008 dźěła jako swobodna awtorka.
Spočatk lěta 2010 doby pisanske wubědźowanje „Stücke für die Lücke“, štož jej zmóžni, jeje hra Crux oder Der Heiland unterm Bett w Hannoverje dnja 19. septembra 2010 prěni króć na jewišću předstajić. Serbski přełožk Crux abo Zbóžnik pod łožom měješe w januarje 2016 w Budyšinje premjeru.
This article uses material from the Wikipedia Hornjoserbsce article Hanka Jenčec, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.