Frank Stübner (* 10.
awgusta">10. awgusta 1954 w Barće, † 7. apryla 2017 w Budyšinje) bě serbski nakładnik.
Narodźi so do Bartskeje serbskeje swójby a maturowaše na Serbskej rozšěrjenej wyšej šuli w Małym Wjelkowje. Studij germanistiki w Lipsku zakónči w lěće 1988 z disertaciju wo tworjenju Jurja Brězana pod titulom Die Erkundung der nationalen Identität als Voraussetzung literarischer Welt- und Epochengestaltung: zur Werk-Genese Jurij Brězans. Hižo wot 1986 dźěłaše w Ludowym nakładnistwje Domowina jako lektor za wěcownu a dźěćacu literaturu.
Po přewróće załoži Stübner dnja 1. apryla 1992 swójske nakładnistwo, Lusatia Verlag, kotrež wuda w běhu 25 lět wjace hač 200 edicijow, mjez druhim woblubowanu Hornjołužisku domjacu protyku („Oberlausitzer Hausbuch“) a wjele dalšeje domizniskeje a domiznowědneje literatury.
Politisce angažowaše so Stübner na komunalnej runinje jako bjezstronski radźićel frakcije Lěwicy w Budyskim wokrjesnym sejmiku wosebje za serbske a kulturnopolitiske naležnosće.
Wot 1998 do 2014 měješe w lětnim dźiwadle Němsko-Serbskeho ludoweho dźiwadła stajnje mjeńše róle.
This article uses material from the Wikipedia Hornjoserbsce article Frank Stübner, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.