Algirdas Butkevičius (* 19.
nowembra">19. nowembra 1958 w Paežeriai pola Šeduvy) je litawski socialdemokratiski politikar a bě wot decembra 2012 hač do nowembra 2016 z ministerskim prezidentom Litawskeje. Wot 7. měrca 2009 je předsyda Litawskeje socialdemokratskeje strony a bě jeje kandidat při prezidentowych wólbach w meji samsneho lěta. Do toho bě wot nowembra 2004 do meje 2005 minister financow a wot 2006 do 2008 wobchadny minister. Wot 1996 je bjez přestawki zapósłanc litawskeho sejma.
Wón je studowany hospodarski inženjer za twarstwo a dźěłaše hač do lěta 1990 jako twarski nawoda a měšćanski architekt. 1991 zastupi do nowozałoženeje Socialdemokratiskeje strony, po tym zo bě wot 1985 do 1988 skrótka z čłonom Komunistiskeje strony. Wot 1997 do 1999 a znowa wot 2001 je čłon stronskeho předsydstwa.
Algirdas Butkevičius je woženjeny a ma jednu dźowku. Jeho syn wumrě 2008 při wobchadnym njezbožu.
This article uses material from the Wikipedia Hornjoserbsce article Algirdas Butkevičius, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.