1966 ke election, Fiji khatir pahila election rahaa jisme Fiji ke sab log jiske umar 21 saal se uppar rahaa, ke vote kare ke mauka mila.
Ii pahila election rahaa jisme aurat logan vote karin rahaa. Ii indepence se pahile ke aakhri general election rahaa.
1965 London constitutional conference ke baad Fiji ke Legislative Council ke barrhae ke 36 member waala kar dewa gais rahaa , jisme se 14 seats Kaiviti (jisme Kaiviti, Rotumans aur Duusra Pacific Islanders bhi lewa gais rahaa), 12 seats Hindustani aur 10 seats General voters (jisme Gora, Kailoma, Chinese, Part-Chinese aur koi jon ki pahile dui category me nai rahaa) khatir reserve karaa gais rahaa.
Ii election khatir dui rakam ke seat rahaa - communal aur cross-voting. Communal constituencies me ek voter khaali aapan jaat ke candidate ke vote kare sakat rahaa. Puura milae ke 25 communal seats rahaa - nau Kaiviti, nau Hindustani aur saat General Electors ke khatir.
Tiin cross-voting constituencies rahaa jisme se tiino jaat ke ek member ke chuna jaawat rahaa. Ii constituency me sab voter logan ek Kaiviti, ek Hindustani aur ek General member ke vote karat rahin. Iske matlab ii rahaa ki elk voter ke leage chaar vote rahaa.
Council ke dui member ke Great Council of Chiefs nominate karat rahin.
Ii election me khaas party rahin Alliance Party, jiske jaada kar ke Kaiviti logan ke support rahaa, General Electors ke bhi support rahaa aur kuchh Hindustani jon ki Federation Party ke virodi rahin, aur jaada kar ke Hindustani ke support karaa jaawe waala National Federation Party (NFP).
A. D. Patel (Federation) | 7,601 |
Ayodhya Prasad (Alliance) | 4,205 |
% voted | 91.5% |
S. M. Koya (Federation) | 6,318 |
Jaswant Singh (Independent) | 2,240 |
% voted | 89.9% |
R. D. Patel (Federation) | 4,704 |
James Shankar Singh (Alliance) | 4,411 |
% voted | 94.7% |
C. A. Shah (Federation) | 3,799 |
Vishnu Deo (Alliance) | 1,955 |
V. P. Vajpai (Independent) | 770 |
% voted | 92.6% |
K. C. Ramrakha (Federation) | 3,220 |
K. B. Singh (Independent) | 677 |
Ram Lochan Regan (Independent) | 604 |
% voted | 80.0% |
M. T. Khan (Federation) | 4,380 |
R. I. Kapadia (Independent) | 1,650 |
B. D. Lakshman (Independent) | 24 |
% voted | 90.0% |
Irene J. Narayan (Federation) | 5,676 |
Andrew Deoki (Independent) | 2,779 |
% voted | 90.6% |
James Madhavan (Federation) | 5,049 |
Gaya Prasad (Independent) | 2,494 |
% voted | 87.0% |
Ramjati Singh (Federation) | 2,328 |
Harish Chandra Kohli (Independent) | 1,238 |
% voted | 81.0% |
Alliance Party 34 me se 22 seat jiitis. Election ke baad tiin independent aur dui Council of Chiefs ke nominees bhi Alliance ke join kar liin aur ii rakam se Alliance ke 27 seat hoe gais. Federation Party khali nau Indian Communal Constituencies ke jiitis.
Election ke baad, Alliance ke leader, Ratu Mara ke Chief Minister banae dewa gais aur A.D. patel ke Leader of the Opposition.
This article uses material from the Wikipedia Fiji Hindi article 1966 ke election (Fiji), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Agar duusra kaaran nai dewa gais hae, tab aap ii panna me likha gae chij ke aap CC BY-SA 4.0 ke niche kaam me lae sakta hai. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Fiji Hindi (DUHOCTRUNGQUOC.VN) is an independent company and has no affiliation with Wiki Foundation.