Tudjeen

Ta'n tudjeen goll er foaddey ec kione er lheh as ta'n smookeyder tayrn stiagh ennal veih'n chione elley. Dy mennick ta'n smookeyder greimmey yn tudjeen lesh y laue echey, agh ny keayrtyn ta'n smookeyder jannoo ymmyd jeh greimmeyder tudjeen. Ta shollaneyn ry-gheddyn 'sy chooid smoo jeh tudjeenyn noa-emshyragh as t'ad jeant seose jeh tombagey aachummit as brashaneyn elley.

Shymmey jeeill ta tudjeenyn jannoo er corp y smookeyder. She stoo neu-lhiggagh eh yn nicoteen, y preeu-stoo kemmigagh shickobbree 'sy tombagey as, rere shen, ayns tudjeenyn. Ta mysh lieh chooid jeh smookeyderyn feddyn baase er cooishyn bentyn rish y smookal as t'ad coayl mysh 14 bleeaney jeh'n vea oc. S'gaueagh smookal tudjeenyn ec mraane torragh as shymmey feanish t'ayn ta taishbyney dy vel y smookal cur rish lheamyssyn ruggyree, goaill stiagh anlheiltyssyn inçhynagh as fishigagh. Ta feanish ayn chammah dy vel y smookal aa-laue cur er slaynt fakideryn, as, rere shen, ta leighyn ayn nish ayns ram çheeraghyn ta cur lhiettrimys er y smookal ayns buill obbree as heayagh.