Cygaryta
Cygaryta – tabakowy produkt skłŏdajōncy sie z rułki z ciynkij bibułki (gilzy) ô strzednicy do 1 cm i dugości do 12 cm (porzōnd 85 mm), we postrzodku keryj je miszōng tabaku majōncŏ spreparowane listki roztōmajtych ôdmian tabaku.
We czasie pŏlynie cygaryty zawarta we cygaretowym smōndzie nikotyna dostŏwŏ sie do krwie i wpływŏ swoje fungowanie na ôrganizm pŏlŏcza. Ôkrōm nikotyny tabakowy smōnd zawiyrŏ tysiōnce inkszych szkłōdliwych, rakotwōrczych chymicznych substancyji.
Podanõ rolã społniŏ fajfka (zamiast we papiōrze, kery spŏlŏ sie społym z tabakym, spreparowane listki wrażōne sōm we niypŏlnym, nojczyńścij drzywniannym cybuchu) jak tyż cygara – sam zamiast papiōru je wysuszōny, ale niyrozdrobniony, listek tabaku. Małe cygara, zbliżōne wyglōndym do cygaryty, to cygaretka.
Kōnsumpcyjŏ
Kole 5,5 bilijōna cygaryt je produkowanych kożdego roku bez tabakowõ industryjã, pŏlōnych bez kole 1 milijardu ludzi. Na wszyjskich kōntynyntach przewŏgã pŏlŏczy stanowiōm chopy.
| regiōn | procynt | |
|---|---|---|
| chopy | kobiyty | |
| Afrika | 29 | 4 |
| Pn. i Pd. Amerika | 35 | 22 |
| Strzodkowy Weschōd | 35 | 4 |
| Ojropa | 46 | 26 |
| Pd-wesch. Azyjŏ | 44 | 4 |
| zach. Pokojny Ôcean | 60 | 8 |
| (podle ôcyn WHO, 2000) | ||
Przipisy
This article uses material from the Wikipedia Ślůnski article Cygaryta, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tekst udostympniany na licyncyji CC BY-SA 4.0, jeźli niy było podano inakszyj. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ślůnski (DUHOCTRUNGQUOC.VN) is an independent company and has no affiliation with Wiki Foundation.