She rheynn thallooin ta goll er ymmyd er y chooid smoo myr aarheynn reiragh çheerey ny steat eh queiggey.
S'liklee dy daink y fockle magh ass cóiced y Çhenn Yernish ny cúige y Yernish (Gaelg Albinagh: còigeamh; "queiggoo" ny "queiggey"). Roish çheet ny Normanee 'sy 12oo eash va Nerin goll er rheynn magh ayns queig rheynnyn, ny reeriaghtyn, myr Connaghtey (Connachta), Lion (Laigin), Ullee (Ulaid), y Vee (Mide) as y Vooan (Mumu). Jiu, ga nagh vel agh kiare queiggey goll er mayrn ayns Nerin (va'n Vee currit stiagh fo reirey Lion), ta'n enmys "cúige" foast goll er ymmyd myr cur sheese er ny h-aarheynnyn çheerey ayn.
Cha nel çhyndaa ayn ayns çhengaghyn elley jeh'n theihll, agh she yn fockle by niessey da'n 'ockle Gaelgagh t'ain na fockle haink magh ass provincia y Ladjyn. Ta'n fockle shen foast goll er ymmyd ayns ram çheeraghyn ayns caghlaa dy hyndaaghyn: province y Vaarle as y Rangish, Provinz y Ghermaanish, provincia y Spaainish, província y Phortiugish, провинция (provintsia) y Rooshish, a.m.s. Ta'n fockle "queiggey" goll er ymmyd jiu myr cur sheese er rheynnyn thallooin ayns çheeraghyn elley nagh row cleayney Raueagh ny Celtiagh oc, myr ولاية (wilaya) yn Arabish, область (oblast’) y Rooshish, as myr shen.
She bun ta'n art shoh. Cur rish, son foays y yannoo da Wiki. |
This article uses material from the Wikipedia Gaelg article Queiggey, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaelg (DUHOCTRUNGQUOC.VN) is an independent company and has no affiliation with Wiki Foundation.