Peacag

T'ee ry-akin 'syn Oarpey as er feie yn Aishey hempreilagh dys yn Çhapaan. She oltey ynrican y ghenus Inachis t'ayn.

Peacag
Çheu s'yrdjey Çheu s'inshley
Rang oaylleeagh
Reeriaght: Animalia Phylum: Arthropoda Rang: Insecta Oardagh: Lepidoptera Kynney: Nymphalidae Clein: Nymphalini Genus: Inachis Hübner, 1819 Dooie: I. io
Ennym daa-ennymagh
Inachis io (Linnaeus, 1758)
Co-cheayllee
Nymphalis io Papilio io

Ta lheead skianyn wheesh as 55mm eck. Ta ny skianyn ruy, as ta cowrey sooilley^[noa] (eyespot) doo, buigh as gorrym er baare dagh skian. Ta oirr ghone-ghlass myrgeayrt ny skianyn as ta'n corp hene dhone. Ta çheu s'inshley ny skianyn follit liorish daaghyn dhoneagh dorraghey.

Ta'n pheacag ry-akin ayns magheyrn, lheeanteeyn as keylljyn, chammah's gareyderyn, as dys ardjid wheesh as 2500m. Ta ny fyrrynee thallooinagh, as t'ad reih thalloo ta kianglt rish ynnydyn brey ooh. T'ad ceau yn geurey roish my t'ad brey oohyn leah 'syn arrey, wheesh as 400 ec yn un cheayrt. Ta ny h-oohyn glass olive, as rimmeigagh. T'ad goll er brey er çheu s'inshley duillagyn undaagee as lus y ghargid.. Ta'n phraddag doo soilsheanagh; er dagh meer, ta spuitt vaney as shey straihyn dy yialgyn wheddyragh. T'ad gaase wheesh as 42mm er lhiurid, as gee undaagagh (Urtica dioica), lus y ghargid (Humulus lupulus) as undaagagh rangagh (Urtica urens). Ta'n chryslid lheeah, glass ny dhone.

Ta peacagyn aasit gee naghtyr veih ymmodee blaaghyn, goaill stiagh lus y toar villish, shellagh, lus ny minnag, lus villish, jeshal as shamrag. T'ad gee soo biljyn as mess loau myrgeddin.

Ta'n emmyn Ladjynagh rere Io, ny ben ayns far-skeealaght ny Greag.

•  
  Oohyn
•  
  Praddag
•  
  Gee undaagee
•  
  Cryslid

 

Ta tooilley mean ayns Wiki Commons bentyn rish: Aglais io.

 

Ta fys ec Wikispecies er: Peacag

• Caslyssyn photosynth jeh peacag
• Inachis io, caslyssyn er Arkive