Keyllys Magellan: Keyllys yn-shiaulley mooiragh 'sy Çhillee ta kiangley yn Keayn Sheear rish y Cheayn Sheealtagh
71°W / 54°S 71°W / -54; -71
Ta Keyllys Magellan (Spaainish: Estrecho de Magallanes), ny Keyllyssyn Magellan chammah, ny vollagh marrey yn-shiaulley ayns jiass y Çhillee as t'eh scarrey mooar-heer America Yiass 'sy twoaie voish Tierra del Fuego 'sy jiass. Ta'n keyllys coontit myr y bollagh najooragh smoo scanshoil eddyr y Cheayn Sheear as y Cheayn Sheealtagh. Ren sleih bun-dooghyssagh finneigagh, goaill stiagh ny Kawésqar, shiaulley yn keyllys harrish thousaneyn dy vleeantyn. Ta'n keyllys mysh 570 km (310 mi fa; 350 mi) er lhiurid as 2 km (1.1 mi fa; 1.2 mi) er lheead ec y voayl s'keyley. Ayns 1520, haink turrys-contoyrtys Spaainagh Ferdinand Magellan dy ve ny chied Oarpagh çheet er y cheyllys as ta'n keyllys enmyssit ass.
She Estrecho de Todos los Santos ("Keyllys Chooilley Noo") va'n ennym bunneydagh v'ec Magellan da'n keyllys. Cheaghil Ree yn Spaainey, yn Impir Çhalse V, gialdyner argid Magellan-Elcano, yn ennym da Keyllys Magellan ayns onnor Magellan.
S'dooillee yn bollagh y hiaulley kyndagh rish ny keyllyssyn trick as ny geayaghyn as strooghyn neu-aaishnagh. S'eginagh y stiureydys marrey. Ta'n keyllys ny s'girrey as ny s'fastee na Bollagh Drake, y bollagh marrey foshlit sterrymagh ta goll mygeayrt Meayll y Chayrn ta cochruinnit lesh gaalyn as cruink rioee. Cur liorish Ammyr Beagle, she Keyllys Magellan va nane jeh kuse veg jeh bollee varrey eddyr y Cheayn Sheear as y Cheayn Sheealtagh roish troggalys Ammyr y Phanamaa.
Imraaghyn
Kianglaghyn magh
- Y chied chaslys-çheerey er Keyllys Magellan, 1520 voish 1800 (Baarle)
- Caslys-çheerey er Keyllys Magellan as Ayrn jeh Thalloo yn Aile, Aarlit ayns 1786 (Spaainish) trooid World Digital Archive
This article uses material from the Wikipedia Gaelg article Keyllys Magellan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaelg (DUHOCTRUNGQUOC.VN) is an independent company and has no affiliation with Wiki Foundation.