Frangee

She possan kynneeagh as ashoon 'syn Oarpey Heear son y chooid smoo ad ny Frangee (Frangish: Français). Ta cultoor, shennaghys, as glare Rangagh er nyn rheynn ny mast'oc, as adsyn kianglt rish çheer y Rank.

Frangee Français
Caslys-çheerey ny Frangee as eebyrtys ny Frangee
Earroo yn phobble
m. 100 millioonyn
Ardjyn lesh sleih mooar jeu
Y Rank (67,413,000, goaill stiagh ny rheynnyn harrish mooir) Ny Steatyn Unnaneysit (10,329,000, goaill stiagh adsyn jeh sluight Frangagh) Y Chanadey (7,167,000, goaill stiagh adsyn jeh sluight Frangagh) Yn Argenteen 6,000,000, goaill stiagh adsyn jeh sluight Frangagh) Y Vrasseel (1,000,000, goaill stiagh adsyn jeh sluight Frangagh)
Çhengaghyn
Frangish son y chooid smoo, as çhengaghyn Romansagh elley as ardjynagh elley Nah hengey: Baarle (ayns America Hwoaie son y chooid smoo), Spaainish as Portiugish (ayns America Yiass son y chooid smoo
Craueeaght
Creestee son y chooid smoo lesh mynlee Moslymagh as meechrauee

Ta ny Frangee, goaill stiagh loayreyderyn dooghyssagh ny çhengaghyn Oïl voish twoaie as mean y Rank er lheh, jeh sluight ny Goail (goaill stiagh ny Belgae) as ny Rauee (ny Goal-Rauee), chammah as jeh sluight Germaanagh lheid as ny Frankee, ny Visigothee, ny Suebi, as ny Burgoonee hie dys Goal voish y çheu hiar jeh'n Rhine lurg tuittym yn Impiraght Raueagh, chammah as adsyn voish tonnyn elley yn arraghey stiagh ta foast ayn jiu. Ren ny Loghlynee çheet dys, as cummal ayns, y Norman 'sy 10oo eash as chur ad dy mooar rish shennayraght ny Normanee. Harrish shen, ta mynlee ardjynee ayns çheusthie jeh'n Rank as linnaghyn, çhengaghyn, as cultooryn er lheh oc, goaill stiagh ny Britaanee 'sy Vritaan, ny h-Ocsitaanee 'syn Ocsitaan, ny Bascee ayns Çheer Vascagh y Rank, ny Cataloanee 'sy Yn Chataloan Hwoaie, Germaanee 'syn Alsaash, as Flandrynee ayns Flandyryn y Rank.

Ta shennaghys liauyr jeh cliaghtaghyn ynnydagh as anchaslyssyn ardjynagh ec y Rank, as ga dy vel y chooid smoo jeh'n phobbyl loayrt y Rangish, ta çhengaghyn lheid as Picardish, Poitevin-Saintongeais, Franco-Provençal, Ocsitaanish, Cataloanish, Auvergnat, Corsickish, Bascish, Flandrynish Rangagh, Francoanish Lorraine, Alsaashish, Normanish, as Britaanish goll er loayrt ayns nyn ardjynyn er lheh. Ta Arabish goll er loart dy lheeadagh chammah, y çhengey vynlagh smoo 'sy Rank, ynnyd va freilt ec y Vritaanish as yn Ocsitaanish hannah hene.

She pash lheie ee sheshaght noa-emshyragh y Rank. Voish mean y 19oo eash, hie ram sleih dys y Rank, goaill stiagh Spaainee, Portiugee, Iddaalee, Arabee as Berberee, Ewnyn, Affrickee Fo-Haharagh, Sheenee, as sleih elley voish yn Affrick, yn Niar Meanagh, as yn Aishey Hiar, as ren y reiltys, as eh cur sheese y Rank myr ashoon ooilley-ghoaillagh marish feeuidyn cadjin, moylley lheie as arreyderyn stiagh jerkit glackey rish feeuidyn as cliaghtaghyn cadjin Frangagh. Son y chooid smoo, ta seyraanee Frangagh smooinaghtyn dy nee yn ashoonaght unnane as y teyraanaght, gollrish y leigh Rangagh.

Gollrish y Rank vooar-heeragh, ta Frangee as sleih jeh sluight Frangagh ry-gheddyn er feie ny Cruinney, goaill stiagh ayns rheynnyn as thallooyn harrish mooir y Rank lheid as ny h-Injyn Sheear Frangagh (y Charib Rangagh), as ayns çheeraghyn joarree as possanyn Frangisheyryn ny dyn ayndaue, lheid as yn Elveeish (Elveeishee Rangagh), ny Steatyn Unnaneysit (Americaanee Rangagh), y Chanadey (Canadee Rangagh), yn Argenteen (Argenteenee Rangagh), y Vrasseel (Brasseelee Rangagh), Meksico (Meksicee Rangagh), y Çhillee (Shilee Rangagh) as yn Ooraguay (Ooraguayee Rangagh).