This article is written in Gun (Gungbe)
Elisabeth Ekoué Pognon (yin jiji to owhe 1937) yin Whẹdatọ tintan he yin yọnnu to Otogbo Benẹ tọn mẹ. Ewọ wẹ sọ yin yọnnu tintan he biọ ogbẹ whẹdatọ daho Benẹ tọn lẹ mẹ podọ ga e sọ yin yọnnu tintan he yin dide gbọn ovo bibla dali nado yin dide taidi Ogán pete whẹdówhe daho hugan Benẹ tọn.
Yinkọ he enọ yin whẹpo dó yi asuwhe wẹ Elisabeth Kayissan Ekoué. Asu etọn wẹ nọ yin Pognon. Yé ji to 1937. Eyi wehọmẹ daho to Lomé, Togo po Dakar po to Senegal. Eyi Gbedewema B.Sc etọn to Wehọmẹ Alavọ Poitiers tọn to France do whẹdidọ ji. Enẹgodo eyi Gbedewema Dàho Masters tọn to Whẹdidamẹ to Wehọmẹ Alavọ Panthéon-Assas to Paris to 1962.
To 1965, Pognon kọnawudopọ hẹ whẹdọhọsa daho Benẹ, ehe wẹ zọn bọ e do yin yọnnu tintan he yin Whẹdatọ dé to Benẹ. To whenuena e ko wazọn to whẹdọhọsa pẹvi pẹvi lẹ godo, esọ wa lẹzun Ogandaho whẹdọhọsa he tin to Kutọnu tọn, enẹgodo sọ wazọn to whẹdọhọsa mayigbe-na-whẹ-he midà nami tọn. Podọ ga to whẹdọhọsa he klo hugan to Benẹ mẹ tọn, ehe wẹ naẹ lẹblanu-lọkẹyi lọ nado yin yọnnu tintan he tin to yé mẹ. To 1993, yé dé taidi yọnnu tintan he na yin whẹdatọ to whẹdọhọsa daho yọyọ he yé gba do Benẹ mẹ. Enẹgodo eyin dide gbọn ogbẹ etọn lẹ dali nado yin Ogan pete na yé, ewọ sọ wẹ nọ otẹn enẹ lọ mẹ kaka jẹ 1998 whẹpo dó joe na Conceptia Denis Ouinsou. Todin, e ko jo azọn whẹdida tọn dó.
Yọnnu Tintan he yin Whẹyidotọ to aihọn lọ blebu mẹ.
This article uses material from the Wikipedia Gungbe article Elisabeth Ekoué Pognon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Nuhe tin tofi lẹpo tin to CC BY-SA 4.0 glọ adavo eyin mí dọdọ e ma yinmọ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gungbe (DUHOCTRUNGQUOC.VN) is an independent company and has no affiliation with Wiki Foundation.