Nani Wartabone

Perjuangan liyo tilumula lonto mopotihulo wawu ma lowali sekretaris Jong Gorontalo to Surabaya to tawunu 1923. Lapato limo tawunu, tiyo lowali Ketua Partai Nasional Indonesia (PNI) Cabang Gorontalo.

Nani Wartabone
Potret Nani Wartabone
Pilotutu	30 April 1907 Suwawa, Hindia Belanda
Yilate	3 Januari 1986(1986-01-03) (umur 78) Suwawa, Indonesia
Tempat peristirahatan	Desa Bube Baru, Suwawa
Kebangsaan	Indonesia
Popēhu	Politisi
Tahun aktif	1923–1986
Penghargaan	Pahlawan Nasional Indonesia

Nani Wartabone moali ngota pejuang revolusioner kemerdekaan indonesia to hulondalo. Semasa tumu-tumulo, tio berorganisasi wau berjuang molaawani kolonialisme to da`eralio to masa perjuangan kemerdekaan. Tio mulai berjuang lo`u mopotihula wau moali sekretaris jong hulondalo to surabaya to 1923. Limo lo taaunu lapata`o, tio moali ta`ua pni tango lo Hulonthalo.

Ti pak Nani sama-sama wolo tokoh-tokoh pejuang kemerdekaan hulondalo motitihutu komite 12 u pulitolio memproklamasikan kemerdekaan indonesia to hulondalo 3 taaunu to`udipo proklamasi kemerdekaan indonesia ole soekarno wau mohammad hatta. Poristiwa proklamasi Hulonthalo u ta`ua wau dibacakan ole nani wartabone moali tonggak sojara wau memotivasi pejuang-pejuang nasional, termasuk soekarno wau hatta modelomo mempercepat perjuangan kemerdekaan mondo/londo ulu`u penjajah.

Proklamasi Hulonthalo u pohutuo ole Nani Wartabone lapata o otawa motanggalo lo tanggulo dulahu patriotik 23 Januari 1942 mealo dulahu proklamasi hulondalo. Mondo/londo momen bersejarah utialo lapata`o nani wartabone otawa wolo julukan "sang proklamator mondo/londo timur".

Nani wartabone uyito-yito putra mondo/ londo zakaria wartabone, ngota aparat u mokalaja ode totombulua hindia belanda. hiambola ti maamalio uyito-yito wali ningrat mondo/londo tilala tuawu kerajaan to hulonthalo.

Openu ti paapalio mokalaja to belanda, tio o bibilohu u berbeda to penjajah. tio diila motipudu oto siko-sikola sababu modungohe olio guru-gurulio u berkebangsaan belanda mailaba mengagung-agungkan bangsa otolopa wau merendahkan bangsa indonesia.

Nani wartabone hiambola porna membebaskan tahanan orangtuanya sababu diila sambe hilao momilohe ra`iati hukumaniolo.

Ti Pak Nani Wartabone mulai aktif lo pojuangi Indonesia anggadu tiyo lo sikola to Surabaya. Ti Pak Nani lapatao lopotihulo organisasi Jong Gorontalo to Surabaya. To tawunu 1928, tiyo lo bale de Hulontalo wawu lo hutu perkumpulan tani (hulanga). Ti Pak Nani Wartabone olo lopotihulo cabang PNI wawu Partindo. Ti Pak Nani Wartabone olo aktif to Persyarikatan Muhammadiyah Gorontalo, Sulawesi.

To Persyarikatan Muhammadiyah Ti Pak Nani Wartabone aktif wawu mambo u menggerakan roda organisasi. To buku Biografi Nani Wartabone u silusuni lo FKIP Unsrat to Hulontalo (1985) lolele wanu anggadu tawunu 1930, Ti Pak Nani Wartabone woli Pak Imam A Nadjamuddin berinisiatif lopotihulo grup muhammadiyah Suwawa.

Maksudu li Pak Nani Wartabone lomaso de Muhammadiyah deuwito liyo mo dakwah alihu umat Islam mowali mopo amali ajaran Islam lo ti otutuwa wawu olo Ti Pak Nani hemo posadari tentang semangat perjuangan dan kebangsaan. Sababu uwito aktivitas dakwah liyo layita he imatowa lo kepolisian Belanda. Sambe mohelu po’ongolo he ancamuwa liyo u waupa liyo.

Tolo tawunu to'u dipo proklamasi kemerdekaan Indonesia to 17 Agustus 1945, tiyo wawu ra'iyati u mulo-mulo lohutu proklamasi kemerdekaan lo Gorontalo, de uyito to tanggal 23 Januari 1942.

Lapatao tentara lo Sekutu olahe liyo lo Japangi to Popateya Asia-Pasifik, Hulontalo ma mulayi pobuwolo lo Walanta to tanggal 28 Desember 1941. Bohuliyo gudang lo bongo wawu yinulo to Pabean wawu Talumolo. Nani Wartabone wawu ra'iyati lo Gorontalo molawani. Timongoliyo modeupo pejabat lo Walanta u onggo luwo to Hulontalo. To tanggal 23 Januari 1942, ra'iyati lo Hulontalo hepunguliyolo kota Hulontalo. Komandan Detasemen Veld Politie WC Romer wawu ngololota heupaliyo to pasukan li Pak Nani Wartabone.

Ngohula lapato "Proklamasi Kemerdekaan Nasional" to hulontalo, tentara lo japangi le dungga de hulontalo. To 26 Februari kapal perang lo japangi lo barangkat mayi monto Moladu le dungga to pelabuhan lo hulontalo. Tentara lo japangi silambutiya liyo lo umo piyo Li Pak Nani Wartabone sababu haharapu japangi momantu, bo ternyata japangi lopoluwalayi aturangi mongentelo mopo titae bandera merah putih wawu longahulo alihu Hulontalo tunduk ode japangi.

Ti Pak Nani Wartabone ja satuju lo hihile lo japangi boyito. Bo karna ja kawasa molawani japangi, tiyo patao lo lola kota hulontalo lobale ode kambungu liyo to suwawa.

To suwawa Ti Pak Nani Wartabone bo heo meengi. Rakyati u pipihaku oli Pak Nani Wartabone akhiri liyo melakukan mogok massal sambe hulontalo madelo kota mati. Japangi jaa sanangi akhiri liyo lo mitana oli Pak nani sambe tiyo wilaupo lo japangi to 30 Desember 1943 wawu dilelo liyo de Moladu wawu yiluliya liyo dema japangi kala lo lawani sekutu to perang duniau oluwo liyo to 6 Juni 1945.

Proklamasi Kemerdekaan u pilo baca li Pak Soekarno wawu Hatta lali tonggak sejarah yilo lo mardeka to Indonesia maso-maso olo hulontalo. U mopo kuwati pemerintahan nasional to Hulontalo Ti Pak Nani lo tiayo 500 bohulotawu lali pasukan keamanan wawu pertahanan, tingoliyo momodali sinapangi u yilahu lingoliyo monto tentara lo japangi.

 

Lapato Proklamasi Kemerdekaan Indonesia to 17 Agustus 1945, bangsa Indonesia to Hulontalo olo menghadapi upaya agresi militer Belanda u hila mobale mojaja nusantara. Perjuangan mopolanhangi kemerdekaan Indonesia botiye tantu musi mengalami pengorbanan, penangkapan wawu pengasingan wawu olo penyiksaan lo Walanda, maso-maso olo u ilalamiya mayi li Pak Nani Wartabone.

Ti Pak Nani Wartabone tala tuwawu tokoh monto Indonesia Timur u jamo huta bentukiya liyo pemerintahan Republik Indonesia Serikat (RIS).

To konsep Negara Republik Indonesia Serikat, Hulontalo milaso liyo ode Negara Bagian monto Negara Indonesia Timur.

Jaa pilo satujuwa li Pak Nani Wartabone lalandasi to keyakinan liyo wanu RIS botiye bo pemerintahan boneka u pilomake lo Belanda alihu Indonesia tetapu terpecah wawu gambangi kawasa lingoliyo ulangi.

Kepemimpinan li PakNani Wartabone sebagai tokoh revolusioner Indonesia Timur terusik ulangi, to’u PRRI/PERMESTA lo hama kawasa to wilaya-wilaya to Sulawesi.

 

To Hulontalo, pengaruh le Letkol Ventje Sumual wawu taman-tamani liyo ma he orasawa. Ventje Sumual lo po proklamasi pemerintahan PRRI/PERMESTA to moladu to bulan Maret 1957.

Lapato PRRI/PERMESTA kala to Hulontalo, Ti Pak Nani Wartabone lali Pejabat penting to Sulawesi Utara. To saati boyito lali ibukota lo wilayah Sulawesi Utara, pipisawa wolo Moladu.

Ti Pak Nani Wartabone pata’o yilantikiya liyo lali Residen Sulawesi Utara to Hulontalo. Wawu olo Ti Pak Nani yilantikiya liyo lali anggota DPRGR lali utusan golongan tani.

To peristiwa lo G30S tawunu 1965, Ti Pak Nani Wartabone lali ta’uwa to dimuka lo lawani komunis to wilayah boyito.

Ti Pak Nani Wartabone yilate to Jumat to tanggal 3 Januari 1986, to Suwawa, Hulontalo.

Jenderal Besar TNI AD Abdul Haris Nasution olo to bulan Maret tawunu 1986 sempat longohi testimoni khusus to’u ti Pak Nani Wartabone yilate, diantaraliyo:

• “Dengan pimpinan Nani Wartabone dan kawan-kawan menggeser kekuasaan Belanda dengan gilang gemilang, adalah hari yang pantas dicatat di dalam rangkaian ukiran sejarah perjuangan fisik, dan perlu kiranya diketahui oleh seluruh warga negara Indonesia, agar sesuatu yang berharga di tubuh Ibu Pertiwi ini tidak hilang ditelan waktu begitu saja.
• "Perlu disadari bahwa di masa lampau dalam situasi dan kondisi waktu itu adalah langka untuk mencari seorang pimpinan yang berani, jujur dan cerdas seperti yang dilahirkan oleh bumi Gorontalo. Semangat 23 Januari 1942 adalah pencerminan watak manusia merdeka yang ikhlas mengorbankan segala-galanya demi untuk kemerdekaan”.

To halama wumbutiyo mota, Jenderal A. H. Nasution lo luladu kesan-kesan liyo deli Pak Nani Wartabone, deuwito liyo:

• "Nani Wartabone adalah teladan pejuang yang konsisten. Tak banyak pejuang kita yang demikian, karena itu perjuangannya haruslah disejarahkan kepada generasi-generasi mendatang, karena konsistensi adalah prinsip ke 1 dalam ilmu strategi pejuang”.
• “Saya tak menduga bahwa saya akan jadi teman seperjuangan dekat dengan tokoh historis ini, yakni di masa terjadinya pemberontakan PRRI/Permesta yang dibarengi intervensi tertutup Amerika Serikat tahun 1958-1961. ……… Maka kesekian kalinya tampillah pejuang patriot perwira Nani Wartabone dengan prakarsa yang amat saya hargai selaku KASAD/Penguasa Perang yang dewasa itu dapat tugas memulihkan keutuhan dan keamanan seluruh RI”.

 

• To tanggal 29 Juni 1958, Letnan Jenderal Abdul Haris Nasution selaku KASAD to saati boyito longohi penghargaan deli Pak Nani Wartabone.
• Ti Pak Nani Wartabone anugerah liyo olo gelar adat Pulanga "Ta Lo Duluwa Lo Lipu" monto duluwo limo lo pohala'a.
• To peringatan Hari Pahlawan 2003, Presiden Megawati Soekarnoputri longohi gelar Pahlawan Nasional deli Pak Nani Wartabone to ahli waris to walaiyo, H. Fauzi Wartabone, to Istana Negara, to tanggal 7 November 2003. Pak Nani Wartabone tilotapuwa liyo lali Pahlawan Nasional dadasari to Keputusan Presiden RI Nomor 085/TK/Tahun 2003 tertanggal 6 November 2003.
• U mopo ela perjuangan liyo, to Kota Gorontalo bilongu liyo Monumen Nani Wartabone .
• Pemerintah daerah lo pototapu Hari Patriotik 23 Januari atau Hari Proklamasi Gorontalo lali hari besar, toutonu o acara pembacaan teks Proklamasi Gorontalo, wawu napak tilas perjuangan para pejuang kemerdekaan, maso-maso ti Pak Nani Wartabone.
• Komando Resor Militer 133 oleh TNI AD longohi tanggulo Korem 133/Nani Wartabone lali bentuk penghargaan tou jasa kepahlawanan beliau u lo lawani penjajah to bumi lo Hulontalo.

1. Marunduh, S.U., 1988. Peristiwa Merah Putih 23 Januari 1942 di Daerah Gorontalo. Fakultas Sastra, Universitas Sam Ratulangi.
2. Marali, A., 2009. Peranan pasukan rimba di Gorontalo dalam upaya mempertahankan negara kesatuan Republik Indonesia (Studi kasus peristiwa Permesta 1958) (Doctoral dissertation, Universitas Negeri Malang).
3. Hercahyani, D., 2008. Sejarah pembentukan Gorontalo dari Kabupaten menjadi propinsi 1953-2000 (Doctoral dissertation, Universitas Indonesia. Fakultas Ilmu Pengetahuan Budaya).
4. Kulap, M., 2017. Developing The Cultural Literacy of Local History of Gorontalo Students Through The Learning Materials “Nani Wartabone And January 23, 1942 Events in Gorontalo”.
5. Kulap, M., Warto, M. and Joebagio, H., 2017. Nationalism of Nani Wartabone: Nation Character Building Foundation of Indonesia. International Journal of Multicultural and Multireligious Understanding, 4(3), pp. 12–21.
6. Kimura, E., 2007. Marginality and opportunity in the periphery: The emergence of Gorontalo province in North Sulawesi. Indonesia, (84), pp. 71–95.
7. Isla, M., 2019. Kajian Patung Monumen Perjuangan Nani Wartabone Melalui Latar Belakang Dan Visualisasinya (Doctoral dissertation, Universitas Komputer Indonesia).
8. Al-Rasyid, H.H. and Saprillah, S., 2018. THE NATIONALITY MOVEMENT IN GORONTALO. Analisa: Journal of Social Science and Religion, 3(02), pp. 279–295.
9. Damis, M., 2019. DAERAH GORONTALO DALAM PERUBAHAN POLITIK NASIONAL. HOLISTIK, Journal Of Social and Culture.
10. Nuralia, L. and Imadudin, I., 2010. Kisah Perjuangan Pahlawan Indonesia. Ruang Kata.
11. Junaedi, D., 2014. Pahlawan-pahlawan Indonesia Sepanjang Masa. IndonesiaTera.