Book of Ezekiel
Romi |
Ezekielachem pustok ekdom bore toren rochun haddlam. Poili prostavna (Ov. 1-3) zantunt provadi aplem karia Deva koddlean gheta, tea uprant pustokachem ang char bhagamnim vanttlam :
Poilo bhag (Ov. 4-24), Jerusaleak veddho ghalche poilim Israelitank dhomkia dileat
Dusro bhag(Ov. 25-32),Raxttram add bhakitam.
Tisro bhag(Ov. 33-39), Veddho ghaltoch ani uprant tankam borea fuddaracheo bhasavnni korun Israelitank bhuzvonn.
Chovtho bhag(Ov.40-48),Novean Bandtolem mondir ani Somudaiche nem’.
Toripunn hea pustokant thoddem vankddem-tinkddem asa. Thodde utare don pautti asat. Dekhik 3/17-21 = 33/7-9; 18/25-29 = 33/17-20. Ezekielak Dev mono kortolo (3/26; 24/ 27; 33/22g) he slok vegllaileat. Sorvesporachea Rothachem disnnem ¼ - 3/15, ani Pustokachea dixttavea (2/1-3/9) modem addkholl asa. Tech porim, Jerusaleachea patkanchem vornnon (11/1-21), atthvea ovesvorantlean chalu zata ani Roth veta thoim bond zata (10/18-22 – 11/22).
Ezeliel ek jivall oso provadi. To rokddoch khunna dita. Jerusaleachea veddjeachem tannem nattok kelem (4/1-5/4), Pordesachem nattok (12/1-7), Babiloniecho raza doxim zaunche vatter (21/23), Juda ani Israelacho ekvott (37/15). Aplea khasgi sonkoxttant jim taka Devan dhaddlolim tantunt porian to Israelak ek ‘khunna’ zata (24/24). Hech porim Ozeias, Izaias ani Jeremias khunna zalole.
Ezekielachea pustokant fokt char disnnim asant punn tanche vixim zaitim pannam boroileant. Ov. 1-3; 8-11; 37; 40-48. Tim vachtoleak ojapanchea sonvsarant gheun vetat : Sorvesporachea Rothacheo char jiveo rochnna, suklolim haddam jivim zatat, fuddarachea mondirachi ievzonn zantunt ek kolponik nod vhanvta. Oslim jivall kolpona to Kanniechea rupan dakhoita : Oholah ani Oholibah (Ov. 23); Tir nogrant opghatant sampoddlolem tarum (Ov. 27); Faroah ani Manngem (Ov. 29; 32); Vorixtt zhadd (Ov. 31); Patallant denvop (Ov. 32).
This article uses material from the Wikipedia गोंयची कोंकणी / Gõychi Konknni article Ezekiel achem Pustok, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.