سيتهأن کۊچئه دا مئن-جۊثه میلجهمۊسؤنچئني (راسته) هيسن گه سيتهکؤن (Sturnidae) ٚ گۊد ٚ مئن درن.
اي گۊد ٚ مئن ۱۲۸ ته گۊنه دره گه ۳۶ ته جينس ٚ مئن وأرجئه نأن. سيتهأن ٚ پا'ن پۊر قأیم هيسن أ ايشؤن ٚ وؤزش-أني قأیم أ مۊستقيم هيسه، هيتهرأن خئلي ايجتمایئن. ايشؤن ٚ ترجيحي زيويشر شرؤني هيسن گه آدمئن زيندگي دنئن. ايشؤن ٚ خؤردنچي ويهأن أ ميوهجات هيسن. اٚلبت چندين گۊنه-أني آدم-دؤبؤ شرؤن ٚ مئن زيونن گه ويشتر همهچيخؤر هيسن. خئلي گۊنهأن ٚ مئن ايشؤن ٚ پرؤن عۊمۊماً فيلٚزي دتاوش دأره یأ سيا هيسه. گۊنهأن ٚ ويشتري لۊکا'ن ٚ مئن فک ننن أ آوي یاگه سيويت ٚ مۊرغؤنه کۊنن. دخشه یأ خؤندش سيتهأن ٚ شي پۊر مۊتنوع یأ وأپيچأیتأره، اي مۊرغؤن تۊنن خاص ٚ افراد-ه اۊشؤن ٚ صدا ٚ جي بيشنأسن. هيندؤني اينسؤني زوؤنؤن ٚ هأگردش ٚ هامۊتن ٚ ره پۊر ملأزيشا هيسن.
سيتهأن دۊنیا ٚ مئن وتأر ٚ وارشأني دأرن أ پۊر کيشورؤن أ شرؤن ٚ مئن دئن بۊنن. اي مۊرغؤن ٚ طبيعی زيويشر آفريقا یأ اۊرۊپا یأ اۊستراليا ٚ کلسا بأني یه پأره حارهیي جزيرهأن هيسن. چنته گۊنهأن-ني هي مۊرغؤن ٚ جي برخي مناطق، مؤنه ٚ ره کلسا-آمريکا یأ هاوایي بأني نيۊزلند ٚ مئن بؤردن بؤبؤ نأن گه ايسهرأن مۊهاجيم ٚ گۊنه محسۊب بۊنن.
ماده سيتهأن دارؤن أ ديسهأن ٚ ديفاره ٚ لۊکا'ن ٚ مئن عۊمۊماً ۵ دا ۷ ته آوي یاگه سيويت ٚ مۊرغؤنه کۊنن. چۊنگهأن مۊرغؤنه ٚ جي دربۊمأپسي ۲۰ دا ۲۲ رۊز ٚ پسی پرأیته تۊنن.
سيتهأن پۊر ايجتمایئن أ مأمۊلاً ايلٚجار زيندگي کۊنن. اين باعث بۊنه گه دۊشمندؤن ٚ ور مۊقاومتر بؤبۊن. سيتهأن تۊنن مۊتنوع اصوات چاؤنن گه یگجۊر ايرتباط هيسه. برخي گۊنهأن خۊ ايستعداد ٚ جي ايستفاده کۊنن دا دئه-مجندهأن ٚ صدا-ا تقليد بؤنن. اۊشؤن یته شکارچي ٚ صدا یا اؤشتؤوي دخشه ٚ جي خۊ غذایي رۊقبا-ا ويرۊجأنن أ هيندؤني تۊنن غذا ٚ کسب ٚ ره ویشتر مۊوفق بؤبۊن. یه پأره-أني آدم ٚ گبزني یا ماشين ٚ اؤشتؤوي صدا'ن-ه تقليد گۊد تۊنن.
This article uses material from the Wikipedia گیلکی article سيته, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). دله (محتوا) CC BY-SA 4.0 مئن دسفأرسه مگر اين کي اۊنˇ خلاف بۊته بۊبۊن. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki گیلکی (DUHOCTRUNGQUOC.VN) is an independent company and has no affiliation with Wiki Foundation.