ساغريسازان
ساغريسازان ايته جه رشت ٚ قديمي محله‌ئن ؤ رشت ٚ أولين ٚ محله ايسه کي بادي‌الله گۊذر ٚ جه کي مطهري خيابان ٚ دۊرۊن نهأ شرۊع به ؤ عراق ٚ پۊرد-أ فأرسه.
نام
أ محله نام، دۊته واجه «ساغري» ؤ «سازان» ٚ ترکيب جه چأگۊده بۊبؤسته. ساغري کفش ؤ پاوزار مأني-أ دنه ؤ چؤن قديم زمات اۊیه کفاشان بازار راسته بۊ گلف گلف أ محله ساغريسازان نام بيگيته.
قديمي بنایان
ساغريسازان ٚ دۊرۊن پۊر قديمي ؤ تاريخي بنا ؤ عمارت نهأ ؤ رشت ٚ تاريخي معماري ؤ بافت-أ شأ أ محله دۊرۊن دئن، ولي ميراث فرهنگي بيتوجهي أمرأ، أ تاريخي بنایان-أ کسي مرمت نۊکۊنه ؤ فگردستن درد ؤ اي سري-أ ني فۊگۊدئد ؤ اۊشان ٚ جا آپارتماني ساختمان چأگۊدئد. حاج سميع ٚ مچچد ايته جه أ محله تاريخي أثران ايسه کي قاجار ٚ زمات ٚ شينه ؤ حاج سميع خان رشتي اۊن ٚ بنانهأنکس بۊ. أ أثر ۱۳۸۲ شمسي سال ٚ مئن ثبت ٚ ميللي بۊبؤسته. أ مچچد ٚ ورجه، قديم ٚ زمات حاج سميع ٚ مدرسه نهأبۊ کي اۊن ني ايته تاريخي أثر بۊ ؤ پۊر قدمت دأشتي ولي اۊن-أ فۊگۊدئد ؤ اۊن ٚ جا ايته پيله ساختمان چأگۊدن درد کي ساغريسازان ٚ تاريخي بافت ٚ جلوه-یأ پۊر آسيب زنه.
ساغريسازان ٚ حمام ؤ آسئد عباس ٚ مچچد ني ايته دئه جه ساغريسازان ٚ تاريخي أثران ايسد کي دۊته ايمامزا بۊقا اۊیه نهأ.
سربس
This article uses material from the Wikipedia گیلکی article ساغريسازان, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). دله (محتوا) CC BY-SA 4.0 مئن دسفأرسه مگر اين کي اۊنˇ خلاف بۊته بۊبۊن. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki گیلکی (DUHOCTRUNGQUOC.VN) is an independent company and has no affiliation with Wiki Foundation.