Velvet Revolver é un supergrupo estadounidense de hard rock procedente de Rancho Santa Margarita (California) e formado no ano 2002.
Está composto polos antigos membros de Guns N' Roses Slash, Duff McKagan e Matt Sorum, xunto con Dave Kushner, antigo compoñente de Wasted Youth. O vocalista de Stone Temple Pilots Scott Weiland foi o cantante de Velvet Revolver dende a súa formación ata o ano 2008. No ano 2004 o grupo acadou éxito comercial coa súa estrea Contraband. A pesar das boas recensións, algúns críticos describiron inicialmente a Velvet Revolver como unha combinación entre Stone Temple Pilots e Guns N' Roses, criticándoos por unha "desconexión" entre Weiland e o resto da banda.
Velvet Revolver | |
---|---|
Orixe | Rancho Santa Margarita (California), |
Período | 2002 – 2008 (en hiato) |
Xénero(s) | hard rock |
Selo(s) discográfico(s) | Sony BMG, RCA |
Membros | Slash Dave Kushner Duff McKagan Matt Sorum |
Antigos membros | Scott Weiland |
Na rede | |
velvetrevolver.com | |
O grupo editou Libertad no ano 2007, iniciando unha xira con Alice in Chains. No mes de abril de 2008 Weiland deixou Velvet Revolver e reuniuse con Stone Temple Pilots. A banda entrou entón en hiato indefinido. No mes de novembro dese ano foi liberada do seu selo RCA Records a petición súa, para poder elixir con liberdade os seus pasos despois da marcha de Weiland.
A edición do álbum de estrea en solitario de Slash e o ingreso de Duff McKagan en Jane's Addiction puxo o futuro de Velvet Revolver en dúbida. Porén, McKagan deixou Jane's Addiction poucos meses despois de unirse. A pesar de estar en hiato, Velvet Revolver compuxo novos temas e planea facer unha audición para atopar vocalista e reunirse novamente en 2011.
== Discografía =={| class="duhoc-gl wikitable table-responsive " |- ! Álbum !! Ano !! Selo |- | Contraband || 2004 || RCA Records |- | Libertad || 2007 || RCA Records |}
This article uses material from the Wikipedia Galego article Velvet Revolver, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.