Jesús Maraña Marcos, nado en Sahagún (provincia de León) en 1961 é un xornalista, escritor e tertuliano español.
É director do xornal dixital Infolibre.
(2017) | |
Biografía | |
---|---|
Nacemento | 1961 (62/63 anos) Sahagún, España |
Datos persoais | |
País de nacionalidade | España |
Educación | Universidade Complutense de Madrid |
Actividade | |
Ocupación | xornalista , Tertuliano radiotelevisivo , escritor |
Lingua | Lingua castelá |
Familia | |
Irmáns | Felipe Sahagún (pt) |
Naceu na vila leonesa de Sahagún nunha familia de catro irmáns e tres irmás. Un dos seus irmáns é o xornalista especializado en relacións internacionais e profesor da Universidade Complutense, Felipe Sahagún. Jesús Maraña estudou o bacharelato no instituto de Villalón de Campos e con 16 anos saíu de León para facer o COU en Madrid. Dende entón levou a cabo unha extensa carreira profesional fóra da súa terra.
Licenciado en ciencias da información pola Universidade Complutense de Madrid, iniciou a súa andaina profesional no diario Informaciones de Madrid. Na prensa pasou máis tarde a traballar como reporteiro no Diario Ya. Colaborou con Televisión Española no programa Si yo fuera presidente, e máis tarde no programa Hora Cero en Antena 3 con Jesús Hermida. Continuou a súa carreira en distintas revistas e semanarios dende 1985 no Grupo Zeta: foi redactor da revista Tiempo e cofundador da revista Tribuna en 1988.
O seu regreso ao xornalismo diario produciuse en 1995 no diario El Mundo como redactor xefe. En 1999 incorporouse a Interviú, sendo nomeado director da publicación. En novembro de 2001 participou na tertulia da emisora Onda Cero La brújula. En 2002 asumiu a dirección do conxunto das revistas do Grupo Zeta e dende 2005 fíxose cargo da dirección da revista Tiempo de Hoy. En 2005 empezou a participar nas tertulias políticas Madrid opina, de Telemadrid. Colaborou nos programas de RTVE Los desayunos de TVE, 59 segundos e En días como hoy en Radio Nacional de España. Tamén aparece de maneira habitual nos debates dos programas La Sexta noche e Al rojo vivo.
Dende 2007 até 2010 ocupou o cargo de subdirector no xornal Público, após a partida do seu anterior director, Félix Monteira, ao ser nomeado este secretario de Estado de Comunicación. Maraña foi director de Público até que deixou de publicarse o diario na súa edición en papel en 2012. En 2013 fundou o xornal en liña Infolibre, web da que é director.
This article uses material from the Wikipedia Galego article Jesús Maraña, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.