Kristján Jónsson

Rugadh e air 4 am Màrt 1852 ann an croit air a bheil Gautlönd (Norðurland eystra). Fhuair e a chuid foghlaim aig Menntaskólinn í Reykjavík agus Oilthigh Copenhagen. Chuir e seachad bliadhnaichean ag obair às leth na stàite: na sgrìobhadair neach-tomhais talmhainn (1876 – 1877), na choimiseanair sgìreil ann an Gullbringu- og Kjósarsýslu (1878 – 1886), na bhreitheamh aig caochladh ìre ann an Cùirtean Nàiseanta (1886 - 1911) agus na neach-sgrùdaidh nan cunntasan nàiseanta (1889 - 1895). Bha e an sàs ann am banca Landsbanki bho 1898 gu ruige 1920. Chaidh a thaghadh dhan Alþingi airson a' chiad turais ann an 1893. Bha e na Ráðherra Íslands (Gàidhlig: Prìomh-mhinistear) neo-eisimeileach bho 1911 gu ruige 1912. Phòs e aig Anna Þórarinsdóttir Eggerz ann an 1880 agus fhuair iad seachdnar duine cloinne còmhla. Bha a chliamhainn Sigurður Eggerz na phrìomh-mhinistear bho 1914 gu ruige 1915 agus eadar 1922 agus 1924. Chaochail Jónsson ann an Reykjavík air 2 an t-Iuchar 1926. Tha iar-ogha Jónsson, Jon Bodvarsson, na chluicheadair ball-coise.

Kristján Jónsson
Prìomh-mhinistear Innise Tìle 14 dhen Mhàrt 1911 - 24 dhen Iuchar 1912 ← Björn Jónsson - Hannes Þórður Pétursson Hafstein →
Beatha
Breith	Gautlönd (en) , 4 dhen Mhàrt 1852
Dùthaich	Innis Tìle
Bàs	2 dhen Iuchar 1926
Foghlam
Foghlam	Oilthigh Copenhagen
Dreuchd
Dreuchd	neach-poileataigs agus britheamh
Creideamh
Pàrtaidh poileataigeach	no value