Amhránaí Aglaé: Aisteoir agus amhránaí Ceanadach
Amhránaí aguis aisteoir ba ea Aglaé (a rugadh mar Jocelyne Deslongchamps).
Rugadh í in L'Épiphanie, (Québec), ar an 13 Bealtaine 1933 agus fuair sí bás in Montréal ar an 19 Aibreán 1984.
| Beathaisnéis | |
|---|---|
| Breith | (fr) Jocelyne Deslongchamps 13 Bealtaine 1933 L'Épiphanie, Quebec  |
| Bás | 19 Aibreán 1984 50 bliana d'aois Montréal, Quebec |
| Faisnéis phearsanta | |
| Ainm cleite | Aglaé |
| Gníomhaíocht | |
| Gairm | amhránaí, ban-aisteoir |
| Tréimhse oibre | 1949 – 1984 |
| Uirlis | Ceol gutha |
   | |
Beatha
Tháinig Aglaé os comhair an phobail i gceabairéanna Montréal, go háirithe sa cheabairé Au Faisan Doré. Chuir Pierre Roche, pianódóir a thionlacadh Charles Aznavour, suim inti agus phós sí é in 1950. Chónaigh siad i bPáras idir 1952 agus 1964, áit is mó ar tháinig gnaoi na ndaoine uirthi. Thaifead sí “Aglaé,” amhrán le Lionel Daunais, in éineacht le Michel Legrand, agus tháinig an oiread sin éilimh air gurbh é sin ab ainm ealaíne di feasta.
Chan sí in amharclanna i bPáras agus ina dhiaidh sin san Eilvéis, sa Bheilg, i Lucsamburg, san Ísiltír, san Ailgéir, i Maracó agus sa Túinéis. Sa séasúr 1955-56 rinne sí páirteanna i mion-cheoldrámaí, agus bhí sí le cloisteáil sna scannáin Les Nuits de Montmartre agus À la manière de Sherlock Holmes.
D’fhill sí ar Québec in 1963, agus an bhliain dár gcionn chuir sí féin agus Roger Baulu an clár Rouli-roulant (Radio-Canada) i láthair. Bhí éileamh fós ar a cuid ceirníní ach níor tháinig sí os comhair an phobail ó 1966 amach.
Tá sí feiceáil sa scannán Y'a toujours moyen de moyenner! (1973).
Fuair sí bás in Montréal ar an 19 Aibreán 1984 in aois a caoga bliain.
Amharclannaíocht
- 1962: Les hommes préfèrent les blondes ó leabhar le Anita Loos, léirithe ag Christian-Gérard sa Théâtre des Arts.
Le cloisteáil
Aglaé et Ovila Légaré - "La Bastringue" (1975): [1]
Aglaë – “On se quitte”: [2]
Foinsí
- “Aglaé,” alt san Encyclopédie canadienne: http://www.thecanadianencyclopedia.com/ Curtha i gcartlann 2008-08-27 ar an Wayback Machine.
- Dioscliosta: http://www.leparolier.org/quebecois/classartistes/a/aglae.htm Curtha i gcartlann 2010-06-13 ar an Wayback Machine.
- Pierre Roche (Québec info musique): http://qim.com/artistes/biographie.asp?artistid=168 Curtha i gcartlann 2015-09-24 ar an Wayback Machine
This article uses material from the Wikipedia Gaeilge article Aglaé (amhránaí), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaeilge (DUHOCTRUNGQUOC.VN) is an independent company and has no affiliation with Wiki Foundation.