Wurktitel
In wurktitel is in foarriedige titel dy't brûkt wurdt foar in produkt dat noch yn ûntwikkeling is en dêr't noch gjin definitive namme foar betocht is.
De reden foar it brûken fan in wurktitel is dat in projekt dêr't ferskate persoanen oan wurkje, mar dêr't noch gjin fêste titel foar betocht is, in namme hawwe moat sadat der net hieltyd ferlet is fan in lange en omslachtige omskriuwing as men it deroer hawwe wol. In synonym foar wurktitel is produksjetitel, in term dy't fral gongber is yn 'e filmyndustry. Wurktitels wurde brûkt foar û.m. boeken, films, tillefyzjesearjes, tillefyzjefilms en oare tillefyzjeprogramma's, fideospultsjes, muzykalbums, lieten en softwareprogramma's. As in wurktitel foldocht, leit it yn 'e reden dat er meitiid de definitive titel wurdt. Faak is der lykwols oer in wurktitel net safolle neitocht om't it dochs mar in tydlike namme is, en wurdt letter in bettere oantsjutting betocht.
| Boarnen, noaten en/as referinsjes: |
| Foar boarnen en oare literatuer, sjoch ûnder: References, op dizze side. |
This article uses material from the Wikipedia Frysk article Wurktitel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.