Vdl Berkhof
VDL Berkhof is in fabrikant fan sawol touringcars as steds- en streekbussen.
Skiednis
It bedriuw waard yn 1970 oprjochte troch Arthur Berkhof yn Valkenswaard. Oarspronklik waarden allinnich reparaasjes oan autobussen útfierd; letter begûn it bedriuw ek touringcars te bouwen, yn haadsaak op DAF-sjassys en wat minder ek op AB Volvo en MAN-sjassys. De lêste jierren bout it bedriuw ek in soad yntegraalbussen.
Yn 1989 naam Berkhof Hainje út It Hearrenfean oer en feroare de namme fan Hainje yn Berkhof It Hearrenfean. Dat bedriuw bout benammen steds- en streekbussen. Yn 1994 sleat de Belgyske bussebouwer Jonckheere út Roeselare him oan by de Berkhof Groep.
Yn 1998 waard de Berkhof groep oernommen troch Van der Leegte (VDL), fan oarsprong in konstruksjebedriuw mei it haadkantoar yn Eindhoven.
Yn 2003 fierde VDL nammeferoaringen troch, wêrnei't it busboubedriuw oantsjutten waard as VDL Berkhof, ûnderdiel fan de VDL Bus Groep. Oare bedriuwen yn dy groep binne VDL Jonckheere, VDL Kusters en VDL Bova.
Nei in oantal minne jierren giet it wer folle better. Berkhof hat in oantal busmodellen dy 't it goed dogge, lykas de Axial, Ambassador en Diplomat. Meiïnoar bouwe de Berkhof-bedriuwen sawat 600 bussen yn 't jier.
Foar Connexxion yn Fryslân binne yn It Hearrenfean spesjale bussen ûntwikkele, nammentlik de Frysker. De yntroduksje dêrfan yn 2007 rûn troch technyske mankeminten oan de remmen fertraging op.
Keppeling om utens
- http://www.vdlbuscoach.nl/, webstee fan VDL Berkhof
This article uses material from the Wikipedia Frysk article VDL Berkhof, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.