Swarte Harne
Swarte Harne (ek Swarte Haan; Biltsk: Swatte Haan) is in buorskip oan de Waadseedyk, by Sint-Jabik yn de eardere gemeente It Bilt, no fúzjegemeente De Waadhoeke.
De namme komt ek foar as Zwarte Haan, Swarte Herne en De Swarte Haan Swarte Harne is nei de yndiking fan 1715 ûntstien oan 'e Nije Biltdyk. By de seedyk stiet it H.G. Miedemagemaal, dat de ôfwettering fan It Bilt yn de waadsee fersoarget. It gemaal is ferneamd nei de eardere foarsitter fan it wetterskip Noardlik Westergoa, Henk Miedema.
De namme harne komt fan in hoeke tusken twa seediken. Oant 1948 wie dêr it fear op It Amelân en Skylge. It plak krige syn namme troch in herberch De Schwarte Hinde dy't yn 1811 neamd wurdt, swart is de kleur fan it slyk yn de Waadsee.
Swarte Harne wurdt ek wol "it begjin fan de wrâld" neamd, omdat it Jabikspaad dêr begjint. It buorskip leit ek oan it Fryske Kustpaad
-
Restaurant de Zwarte Haan -
Restaurant de Zwarte Haan
Keunstwurken
Op Swarte Harne stiet De Slykwurker, in brûnzen byld fan lânarbeider, makke troch Frans Ram ta eare en oantins fan de manlju dy't it Bild bepoldere hawwe. Yn 2010 kaam it keunstwurk 'Om de kwaliteit fan de romte', in ûntwerp fan Gunnar Daan ta oantins fan deputearre Anita Andriesen.
-
-
Anita Andriesen-monumint
Keppeling om utens
| Boarnen, noaten en/as referinsjes: |
|
This article uses material from the Wikipedia Frysk article Swarte Harne, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.