Noorder Compagnie
Toanielgroep De Noorder Compagnie wie fan 1967 oant 1980 in toanielselskip út Drachten.
De artistike lieding wie yn hannen fan de oprjochters Jaap Maarleveld en syn frou Manon Alving. De saaklike lieding lei yn de begjinjierren by Jan A. de la Mar. Bekende akteurs fan dit selskip wienen ûnder oare Robert Sobels, Diny de Neef, Ad Noyons, Sacco van der Made, Fiet Dekker, Babette Mulder, Rutger Hauer, Pieter Groenier en Joop Wittermans. It selskip gie ten ûnder troch konflikten tusken bestjoer, lieding en subsydzjejouwers oer de te folgjen artistike koers. De Compagnie socht in mjuks fan lichte stikken en eigentiids wurk fan Hugo Claus, Harold Pinter en Kroetz. Se spilen benammen yn sealen en sealtsjes op it plattelân, mar mei teater De Lawei as thúsbasis. Yn 1980 waard it toanielselskip opheft, it argyf wurdt bewarre by Tresoar. De groep waard fuortsetten as Stichting Noordelijk Theater De Voorziening.
| Boarnen, noaten en/as referinsjes: |
| |
This article uses material from the Wikipedia Frysk article Noorder Compagnie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.