Neef En Nicht
In neef of in nicht is de soan (neef) of dochter (nicht) fan jins omke of muoike.
Hjirby wurdt ek wol sprutsen fan in folle neef of in folle nicht, om ûnderskie te meitsjen mei de efterneef en efternicht. Dat is de soan of dochter fan in neef of nicht fan jins heit of mem, mar it kin ek de soan of dochter fan jins eigen neef of nicht wêze.
It Frysk makket tusken dizze beide betsjuttings gjin ferskil, mar it Ingelsk sprekt fan first cousin foar in folle neef of nicht; fan second cousin foar in efterneef of -nicht dy't de soan of dochter fan in folle neef of nicht fan jins heit of mem is; en fan first cousin once removed foar in efterneef of -nicht dy't de soan of dochter fan jins eigen neef of nicht is. Dêrby jout it once removed oan dat der ien generaasje fersprongen wurdt.
In efterefterneef of efterefternicht is dan de soan of dochter fan in efterneef of -nicht fan jins heit of mem (third cousin), of de pake- of beppesizzer fan in neef of nicht fan jins heit of mem (second cousin once removed), of de pake- of beppesizzer fan jins eigen folle neef of nicht (first cousin twice removed). Sa kin men fierder gean troch almar mear "efter"-s foar "neef" of "nicht" te plakken.
| Boarnen, noaten en/as referinsjes: |
| Foar boarnen en oare literatuer, sjoch ûnder: References, op dizze side. |
This article uses material from the Wikipedia Frysk article Neef en nicht, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.