Mixed Martial Arts
Mixed martial arts (Ingelsk foar mingde fjochtsporten), gauris ôfkoarte ta MMA, is in fjochtsport dêr't in grut tal techniken út stjitsporten en wrakselsporten yn tastien binne.
Der is gjin wrâldsportassosjaasje foar MMA, en dêrmei ek gjin fêst reglemint, mar alle organisaasjes steane in grut tal fan stjit- en wrakseltechniken ta, lykas dústen, traapjen, gripen en werpen. MMA is fuortkaam út oare fjochtsporten dy't eleminten fan mear as ien oarspronklike sport trochinoar mjuksen, en dêr't gjin of hast gjin beheinings by wienen. Se hat lykwols al beheinings, foar de feiligens fan de sporters. Under oaren mei der net biten wurde, mei de tsjinstanner net út it fjild smiten wurde en meie kwetsbere plakken lykas de eagen, de nieren en de ljisken net oanfallen wurde.
De sport is begûn mei spesjalisten yn ferskate fjochtsporten, mar it die bliken dat sokke spesjalisten te swak binne by it befjochtsjen fan oare techniken. Dêrom wurdt der hieltyd mear treend op in mingeling fan stilen. De ûntwikkeling hat lykwols noch net laat ta suvere mingde-fjochtsportspesjalisten.
This article uses material from the Wikipedia Frysk article Mixed martial arts, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.