Washington Kittitas
Kittitas is in plak (city) yn Kittitas County yn de Amerikaanske steat Washington.
Neffens de folkstelling fan 2010 hie it plak 1381 ynwenners en yn 2012 neffens in rûzing 1450. It leit 10 km eastlik fan Ellensburg. De namme komt fan de yndianestam fan de Kittitas. Der binne ferskate fertalings hjirfan. It betsjut sokssawat as 'wite kryt' oant 'skealjestien' oant 'sânbank minsken' oant 'lân fan in soad'. Men wit net wis, mar alle fertalings hawwe in soarte wurdichheid yn harren.
| Kittitas | ||
 | ||
| Polityk | ||
| Lân | Feriene Steaten | |
| Steat | Washington | |
| County | Kittitas County | |
| Sifers | ||
| Ynwennertal | 1381 (2010) | |
| Oerflak | 1,97 km² | |
| Befolkingsticht. | 701,6 / km² | |
| Hichte | 502 m | |
| Oar | ||
| Stifting | 1883 | |
| Postkoade | 98934 | |
| Tiidsône | Pacific (PST)UTC-8 | |
| Simmertiid | UTC-7 | |
| Offisjele webside | ||
| cityofkittitas.com | ||
It plak wie stifte yn 1883 en it waard in gemeente op 9 desimber 1931. It plak waard stifte yn it ramt fan de westlike útwreiding fan it Chicago, Milwaukee, St. Paul en Pasifik Spoar, yn folksmûle faaks The Milwaukee Road neamd en is stifte yn 1847. Yn 1905 de Milwaukee Road sette nije spoarwegen útein fan Chicago nei Seattle. Op deselde tiid wie besletten om de nije linen te elektrifisearjen en litte de treinen effisjinter rinne. De Kittitas Yard and Depot, it stasjon, waard al rillegau it sintrum fan de nije mienskip. In postkantoar, keaphannelhûzen, in baptiste tsjerke, in drogisterij, agraryske warehûzen en oare saken ûntjoegen harren om it stasjon hinne. Kittitas waard sa ferbûn mei oare mienskippen. Lânbougrûn waard ek fierder ûntjûn om it plak hinne trochdat bewettering mooglik makke waard om de drûge grûnen te bewetterjen. Troch de spoarferbining kinne boeren harren produkten goed ferkeapje nei oare plakken.
Keppeling om utens
This article uses material from the Wikipedia Frysk article Kittitas (Washington), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.