1906 Ierdskodding Fan San Francisco
De Ierdskodding fan San Francisco yn 1906 wie in grutte ierdskodding dy't San Francisco, Kalifornje en de kust fan noardlik Kalifornje op woansdei, 18 april fan dat jier de moarns om 05:12 oere trof.
Alhoewol't de rûzings fan de ierdskodding tusken 7.7 en 8.25 op de momintmagnitudeskaal lizze, wurdt de mjitting fan 7.8 it meast akseptearre. It epysk sintrum fan de ierdskodding lei likernôch 3 kilometer út de kust en rûn by de San-Andreasbreuk lâns nei it noarden en suden ta oer in lingte fan 477 kilometer.
It skodzjen fan de ierde koe fan Oregon oant Los Angeles en yn it binnenlân oant sintraal Nevada field wurde.
Gefolgen
De ierdskodding en de dêr op folgjende brannen wurde as ien fan de grutste natuerlike rampen yn de skiednis fan de Feriene Steaten beskôge. It tal deadlike slachtoffers fan de ramp wurdt op mear as 3.000 rûsd. Mear as de helte fan de ynwenners rekke dakleas en likernôch 28.000 gebouwen gyngen ferlern.
 | Ofbylden dy't by dit ûnderwerp hearre, binne te finen yn de kategory San Francisco earthquake of 1906 fan Wiki Commons. |
This article uses material from the Wikipedia Frysk article Ierdskodding fan San Francisco (1906), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.