Ko Hereford
De Hereford is in koweras dat oarspronklik út it súdwesten fan Ingelân komt, út de omkriten fan Hereford.
It ras ûntstie yn de twadde helte fan de 18e iuw. It is in behurde duorsume fleisko, dy't sa populêr waard dat de Hereford no it meast foarkommende fleisfeeras fan de wrâld wurden is. De binne no mear as fiif miljoen stamboek-Herefords yn goed 50 lannen. De útfier fan Herefordkij út it Feriene Keninkryk begûn yn 1817, dat wie nei Kentucky yn de Feriene Steaten. Der binne Herefords mei en sûnder (polled) hoarnen.
Yn Nederân wurdt de Hereford meast as hobbydier of foar ekstinsive greidbuorkerij (dat wol sizze it beweidzjen fan natuergebieten) hâlden. De Hereford is in sterk boud bist, mei in op de heup metten hichte fan 135 oant 150 sintimeter. Skaaimerken fan de Hereford binne de wite kop, de wite streek op de nekke en skoft. Fierders is de Hereford read. It bist hat fan himsels swiere spieren en in guodlik, rêstich karakter.
Herefords kealje meast sûnder swierrichheden. De keallen hawwe by de berte in leech gewicht, trochstrings tusken de 30 en 40 kilo. De Hereford makket út goedkeap raufoer in protte fleis fan hege wearde.
Keppeling om utens
- Offisjele webside fan de Dutch Hereford Society
This article uses material from the Wikipedia Frysk article Hereford (ko), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.