Hal Hinson
Hal Hinson (folút: Harold Hinson) is in Amerikaansk sjoernalist dy't wurke hat as filmkritikus.
| Hal Hinson | ||
| persoanlike bysûnderheden | ||
| echte namme | Harold Hinson | |
| nasjonaliteit |  Amerikaansk | |
| berne | ûnbekend | |
| berteplak | ûnbekend | |
| wurkpaad | ||
| berop/amt | sjoernalist | |
| aktyf as | filmkritikus | |
| jierren aktyf | 1987 – 1997 | |
| offisjele webside | ||
| Hal Hinson op LinkedIn | ||
Libben en karriêre
Hinson wie mids 1980-er jierren as filmkritikus aktyf foar it tydskrift Film Comment. Dêrnjonken skreau er yn 1984 in essay oer akteur Montgomery Clift, mei as titel Some Notes on Method Acting. Fan 1987 oant en mei 1997 wied er filmkritikus foar de krante The Washington Post. Yn july 2015 wiene 887 fan 'e resinsjes dy't er yn dy snuorje skreau, opnommen yn 'e beoardieling fan films op 'e resinsjewebside Rotten Tomatoes.
Hinson wurdt gauris neamd as foarbyld fan in filmkritikus dy't ympopulêr wie by syn kollega's, om't er gauris tsjin 'e stream yn swom en net benaud wie om resinsjes te skriuwen dy't troch oaren as polarisearjend beskôge waarden. In foarbyld is de loovjende beoardieling dy't er joech fan 'e aksjefilm Hudson Hawk (1991), mei Bruce Willis yn 'e haadrol, dy't de measte oare kritisy ôfrinne lieten. In oar foarbyld is syn resinsje fan Super Mario Bros. (1993), dy't krektlyk loovjend en dêrmei tsjinsteld oan 'e algemiene konsensus wie.
Keppelings om utens
| Boarnen, noaten en/as referinsjes: |
| Foar boarnen en oare literatuer, sjoch ûnder: References, op dizze side. |
This article uses material from the Wikipedia Frysk article Hal Hinson, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.