Emerald City Comic Con
De Emerald City Comic Con (ôfkoarte ta ECCC, en foarhinne stavere as Emerald City Comicon) is in konvinsje op it mêd fan strips en fideospultsjes dy't elts jier oan 'e ein fan maart en/of it begjin fan april holden wurdt yn 'e Amerikaanske stêd Seattle, yn 'e steat Washington.
'Emerald City' ("Smaragden Stêd") is de bynamme fan Seattle, en 'Comic Con' is in ferkoarte foarm fan 'Comic Convention' ("Stripkonvinsje"). It evenemint bestiet sûnt 2003 en hat him ûntjûn ta ien fan 'e gruttere stripkonvinsjes fan Noard-Amearika. Yn 2019 kamen der 98.000 minsken op ôf.
| Emerald City Comic Con | ||
 | ||
| plak en tiid | ||
| lân |  Feriene Steaten | |
| steat |  Washington | |
| county | .PNG){kind=small} King County | |
| plak |  Seattle | |
| holden yn | Washington State Convention and Trade Center | |
| tiid fan it jier | ein maart en/of begjin april | |
| bysûnderheden | ||
| ôfkoarting | ECCC | |
| soarte evenemint | stripkonvinsje | |
| bestean | 2003 – no | |
| org. troch | Reed Exhibitions | |
| offisjele webside | ||
| www.emeraldcitycomiccon.com | ||
De Emerald City Comic Con wurdt organisearre troch it bedriuw Reed Exhibitions, dat ek de organisator is fan û.m. it Chicago Comic & Entertainment Expo, de Florida Supercon en de New York Comic Con. De Emerald City Comic Con waard oarspronklik yn febrewaris holden, mar sûnt 2006 yn maart of april. De lokaasje wie de earste fiif jier it Qwest Field Events Center, foar't it fan 2008 ôf yn it Washington State Convention and Trade Center organisearre waard.
Yn 2011 waard it oant doe ta iendeiske evenemint útwreide nei trije dagen. Yn 2013 wie foar it earst it hiele konvinsjesintrum nedich om alle oanrin nei de Emerald City Comic Con te bergjen. Foar de edysje fan 2014 waard it fideospultsjesdiel fan 'e konvinsje oerbrocht nei de twadde ferdjipping fan it oanbuorjende Sheraton Seattle Hotel om't it Washington State Convention and Trade Center oars te lyts wie.
Keppelings om utens
| Boarnen, noaten en/as referinsjes: | ||
| Foar boarnen en oare literatuer, sjoch ûnder: References, op dizze side.
|
This article uses material from the Wikipedia Frysk article Emerald City Comic Con, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.