Alexandra Terlouw-Van Hulst
Alexandra Terlouw-Van Hulst (Amsterdam, 19 febrewaris 1935 – Twello, 23 augustus 2017) wie in Nederlânsk skriuwster en oersetster.
Se wie de oarehelte fan skriuwer en politikus Jan Terlouw en de mem fan skriuwster Sanne Terlouw.
| Alexandra Terlouw-Van Hulst | ||
 skriuwer | ||
_en_zijn_vrouw_bij_de_stembus_-_NA_-_932-3157.jpg) | ||
| Jan Terlouw en de frou by de stimbus, 1982 | ||
| persoanlike bysûnderheden | ||
| oar pseudonym | gjin | |
| nasjonaliteit |  Nederlânsk | |
| berne | 19 febrewaris 1935 | |
| berteplak | Amsterdam | |
| stoarn | 23 augustus 2017 | |
| stjerplak | Twello | |
| wurk | ||
| taal | Nederlânsk | |
| útjouwer | De Kring | |
| prizen | Sulveren Griffel 1976 | |
| jierren aktyf | 1976, 2013 - 2017 | |
| offisjele webside | ||
| Profyl yn de DBNL | ||
Wurkpaad
Doe't hja natuerkunde studearre moete Alexandra van Hulst har lettere man Jan Terlouw. Nei't se mei de natuerkundestúdzje opholden wie, studearre se algemiene taalwittenskippen. Se hie in protte ynfloed op it begjin fan de skriuwerskarriêre fan har man troch syn earste wurk nei in útjouwer te stjoeren. Letter holp se by it skriuwen mei korreksjewurk.
Frou Terlouw fertaalde yn 1976 twa boeken fan de Amerikaanske skriuwster Lynn Hall: Sticks and Stones (oerset as Maak me niet kapot) en The Siege Of Silent Henry (oerset as De belegering van stille Sijmen). Maak me niet kapot behelle de Zilveren Griffel yn 1976.
Op hegere leeftyd begûn se sels boeken te skriuwen. Har earste boek wie De man van Tsinegolde, útjûn yn 2013 troch útjouwerij De Kring. Dit boek beskriuwt de Twadde Wrâldoarloch sjoen troch de eagen fan in jong famke dat har almar mear bewust wurdt fan it barren om har hinne. It boek is foar in part basearre op eigen ûnderfinings fan Alexandra. Har twadde boek, Eén vrouw, twee mannen, kaam út yn 2014 en bekriuwt in trijehoeksferhâlding, dêr't de titel nei ferwiist.
Bibliografy
- 2013 - De man van Tsinegolde
- 2014 - Eén vrouw, twee mannen
| Boarnen, noaten en/as referinsjes: |
This article uses material from the Wikipedia Frysk article Alexandra Terlouw-Van Hulst, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.