San Zorç De Richinvelde
| San Zorç de Richinvelde | |
| Non uficiâl par talian | San Giorgio della Richinvelda |
| Provincie | Pordenon |
| Altitudin | 86 m s.n.m |
| Superficie | 47 km² |
| Popolazion | 4.316 ab. |
| Densitât | 92 ab/km² |
| Frazions | Cose, Dograve, Domanins, Poç, Provesan, Rossêt |
| Comuns confinants | Voleson Darzin, Cordenons, Dignan (UD), Flaiban (UD), Sant Martin di Voleson, Sedean (UD), Spilimberc, Vivâr, Çopule |
| CAP | 33095 |
| Prefìs telefonic | 0427 |
| Patron | |
Il Comun di San Zorç de Richinvelde, (loc. San 'Sors o ancje Son 'Sors), provincie di Pordenon, Regjon Friûl-Vignesie Julie, al disvilupe il so teritori al centri de planure furlane dilà de aghe (Friûl di Concuardie) stret jenfri i niets dai flums Tiliment, Cose e Midun. Al misure 48 Km cuadrâts, al sta in medie 86 m. sore dal nivel dal mâr, e al à une popolazion di plui o mancul 4500 personis. Al è formât, in plui dal caplûc, di sîs frazions: Cose, Dograve, Domanins, Poç, Provesan, e Rossêt; cheste ultime, fuarsit plui impuartante dal caplûc, e je cognossude in dut il mont pe produzion des plantutis di vîts, vindudis tai marcjâts di produzion enologjiche di dut il mont.
Lenghe
In dut il comun al si fevele par furlan, e in particolâr te varietât ocidentâl de lenghe furlane, caratarizade de -a finâl tai feminins, dai suns gi- e ci- invezit che gj- e cj-, e di cetantis peraulis dongje dal venit:
Esemplis: Furlan koinè: Cjase - Gjat - Cjiscjel
Furlan di Sant Zorç: Ciasa - Giat - Ciastel
La toponomastiche locâl e je cheste:
Sant Zorç de Richinvelde: San Sors da la Richinvelda
Cose: Cosa
Dograve: Dograva
Domanins: Domanins
Poç: Pòs
Provesan: Provesan
Rossêt: Roseit
Leams
This article uses material from the Wikipedia Furlan article San Zorç de Richinvelde, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contignût al è disponibil sot de licence CC BY-SA 4.0 se nol è specificât in altre maniere Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Furlan (DUHOCTRUNGQUOC.VN) is an independent company and has no affiliation with Wiki Foundation.