Dj Tubet, batiât Mauro Tubetti al è nassût a Cividat ai 19 di Avrîl 1982, al è un rapper furlan di Nimis.
Dal 1998 incà si è fat preseâ simpri plui cun progjets che a van dal rap Dlh Posse, al dub (R.esistence in dub), al reggae, passant pal swing (Suingando) e pal jazz (Afro blue cun Barbara Errico, cun il Trio Serafini-Colussi-Carnovale e Red Devils Band cun Claudio Cojaniz ).
La sô predisposizion pe sperimentazion e pe improvisazion (freestyle), massime par furlan, a fasin di chest zovin un artist versatil e unic tal so gjenar.
Fin cumò al à publicât un grum di lavôrs sei di bessôl (pal plui produsûts di trê etichetis furlanis, o ben ReddArmy, Alambic Conspiracy e Musiche Furlane Fuarte) sei in colaborazion cun diviers altris.
Dongje de musiche Tubet al a dajut di cot ancje sei tal studi (laureât in Psicologjie socioculturâl e Siencis de educazion al à frecuentât ancje Siencis de Formazion), sei tal insegnament intes scuelis, che tal fâ laboratoris creatîfs par adolessents ancje in marilenghe, svilupant intes scuelis un dai prins esemplis di pedagojie Hip Hop in Italie.
Al è un dai plui svelts rappers in Italie, al scandis 15 silabis al secont (sps) cun il so freestyle “Na’Babas”.
Cun la Dlh Posse, tal 2001, al à publicât un tra i prins tescj rap che a doprin dome lis stessis vocâls.
Cun i R.esistence in dub, tal 2010, al à concuistât il premi al Liet International, il festival european di riferiment de musiche in lenghe di minorance.
Al à cjantât ancje al Sziget Festival, Rototom Sunsplash, Vicino/lontano, Barcolana, Udinejazz, Sapori Pro Loco, Friuli Doc, Stadio Friuli, Città Fiera, e te Capitâl europeane de Culture pal 2018.
Ae fin dal 2020 al à publicât “Fin Cumò”, il prin disc di solist cun le so etichete "Centedischi" .
Tra lis curiositâts al è apassionât di meditazion Yoga, al è vegjetarian e Straight Edge.
Mixtape
Racueltis
Album
Control di autoritât |
---|
This article uses material from the Wikipedia Furlan article Dj Tubet, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contignût al è disponibil sot de licence CC BY-SA 4.0 se nol è specificât in altre maniere Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Furlan (DUHOCTRUNGQUOC.VN) is an independent company and has no affiliation with Wiki Foundation.