Alviero Negro (Muçane,1920 - Udin 1987) al è stât un scritôr furlan.
Nassût a Muçane, al reste vuarfin di pari a sîs agns e al passe la prime part de sô vite lontan dal Friûl: prin a Mestre intun orfanotrofi e po studiant ator pe Toscane fintremai che al cjape la abilitazion magjistrâl a Livorno.
Rivade la vuere al torne in Friûl e al partecipe ae lote partigjane, cul non di bataie “Novello”, te formazion “Osoppo – Friuli” vivint esperiencis dolorosis tant che la presonie e la torture.
Dopo dal conflit al lavore tant che mestri elementâr in varis paîs de Basse Furlane.
Colaboradôr di gjornâi, rivistis e de Rai par tancj agns, al è determinant il so incuintri cul moviment leterari “Risultive”, impegnât tal rinovament de lenghe e de leterature furlane, che lu puarte a recuperâ la sô lenghe mari deventant un dai autôrs teatrâi plui prolifics e premiâts dal Friûl e un dai sostignidôrs plui convints di un teatri furlan gnûf. Cjamât di significâts sociâi e politics, il so teatri al è segnât di une fuarte cussience de storie dai tibiâts e de fondade utopie di une societât di oms libars.
Negro al puarte indevant ancje studis storics e al cuvierç par cualchi an la incarghe di diretôr dal Istitût Furlan pe Storie dal Moviment di Liberazion.
This article uses material from the Wikipedia Furlan article Alviero Negro, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contignût al è disponibil sot de licence CC BY-SA 4.0 se nol è specificât in altre maniere Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Furlan (DUHOCTRUNGQUOC.VN) is an independent company and has no affiliation with Wiki Foundation.