Lengoua D’oly: Famelye de lengoues de la mêtiêt bise de la France
 | Cél articllo est ècrit en arpetan supradialèctâl / ORB lârge. |  |
| Lengoua d’oly | |
| Temps | Dês lo IXémo siècllo |
|---|---|
| Lengoues felyes | francês, normand, etc. |
| Tipologia | accentuâla flèccionâla SVO |
| Cllassement per famelye | |
| |
| Codes de lengoua | |
| ISO 639-1 | -- |
| ISO 639-2 | --- |
| Ètendua | endividuèla |
| Tipo | historica |
| Glottolog | oila1234 |
| Mapa | |
 Distribucion de la lengoua d’oly en France dedens les petiôtes difèrences de vèrd. | |
changiér  | |
Historicament, la lengoua d’oly, ou tot simplament oly (oïl en francês ; prononciacion francêsa : o-il [ɔ.il], ou-il [u.il], oui [wi], o-ille [ɔj]), est la lengoua romana que s’est dèvelopâye dedens la partia bise de la Gôla, pués dedens la partia bise de la France, dedens lo mié-jorn de la Bèlg·ica (Bèlg·ica romana) et dedens les iles Angllo-Normandes, et pués qu’ére prègiêe u Moyen Âjo. Cél groupo de bise at consèrvâ un substrat cèltico més important et pués at endurâ na més granta portâ du gèrmanico que ses suères occitano-romana du mié-jorn, la lengoua d’oc, et galo-romana du sud-èste, la lengoua d’ouè, que los locutors érant més prôchos de Roma.
La lengoua d’oly est pariére a cen qu’apèlont lo viely francês et pués engllobe sos difèrents dialèctos. Dês la fin du Moyen Âjo, lo moyen francês nen èmèye et pués èvolue en francês d’ora, nan pas los ôtros parlars d’oly que réstont du payis et seront la sôrsa des patouès locâls. L’ensemblo de celos parlars pôt étre considèrâ coment un groupo de les lengoues galo-romanes.
Dètaly de les lengoues
Les lengoues d’oly pôvont étre rassemblâyes d’aprés des critèros lengouisticos. Dens lo câs de celes prègiêes en France, los regroupâjos pôvont étre fêts avouéc un’endicacion g·eografica, que pèrmèt de localisar lo cârro lengouistico concèrnâ. Celes lengoues sont,
- u centro (Ila-de-France et son vesenâjo) : francês (solèta lengoua felye du francien) ;
- u levant : borguegnon-morvandiô, champenouès, lorren ;
- a bise : pecârd, valon ;
- u nord-ouèste : normand (qu’at balyê nèssènce u francês angllo-normand) ;
- u cuchient : galô, groupo cuchientenc (angevin, torangél, mancél, mayenês, pèrch·eron avouéc) ;
- u sud-èste : franc-comtês ;
- u sud-ouèste : pouètevin-santongês,,,,,,, doves variètâts (pouètevin, santongês) avouéc ;
- u mié-jorn : bèrrich·on (borbonês avouéc).
Notes et rèferences
Notes
Vocabulèro
Rèferences
This article uses material from the Wikipedia Arpetan article Lengoua d’oly, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contegnu est disponiblo desot licence CC BY-SA 4.0 betâ a pârt mencion contrèra. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Arpetan (DUHOCTRUNGQUOC.VN) is an independent company and has no affiliation with Wiki Foundation.