Turið S. Christiansen

Christiansen (fødd 1996, úr Leirvík) er ein føroyskur svimjari, sum svimur fyri Ægir og Føroyar. Hon hevur fyrr svomið fyri Svimjifelagið Reki úr Leirvík, sum í 2010 legði saman við Skeggjar, nýggja felagið fekk navnið Reysti.

FM/JM í svimjing 2013

• Gull í 4 x 100 m blandað við tíðini 4:25.43, sum var nýtt føroyskt seniormet. Hinar tríggjar vóru: Birita Debes, Astrið Foldarskarð og Cecilia Eysturdal
• Silvur í 100 m bringu við tíðini 1:17.36
• Bronsa í 200 m blandað við tíðini 2:29.48. Hon hevur fyrr sett juniormet við tíðini 2:23.95

Oyggjaleikir 2011

• Gull í 200 m bringu
• Silvur í 4 x 100 m blandað

Ægir-stevna 2011 - føroyskt seniormet

Á Ægir stevnu í 2011 setti Turið føroyskt seniormet í 200 m bringu við tíðini 2:37.64, har føroyska metið hjá henni frá úttøkustevnuni til Oyggjaleikir í apríl mánaða 2011 var 2:38.31

Reykjavík International Games 2010

Turið luttók á svimjustevnuni Reykjavík International Games 2010 í Íslandi í 2010. Hon setti føroyskt seniormet í 200 m bringu tvær ferðir, hon vann gull á hesum teininum í hennara árgangi.

• Gull í 200 m bringu
• Silvur í 50 m bringu
• Silvur í 400 m blandað

DM 2007

Fleiri føroyskir barnasvimjarar luttóku á DÅM (Danmarks Årgangs Mesterskaber) í 2007. Besta úrslit hjá føroyingum varð eitt annaðpláss til Turið S. Christiansen í 200 bringu fyri gentur 11 ár og yngri, hon svam við tíðini 3:14.73.