Lív Maria Róadóttir Jæger: Føroyskur rithøvundur

Hon er útbúgvin mag. art. í heimspeki frá universitetinum í Keypmannahavn.

Yrkingar

Hon gav í 2014 LP-platuna 'Mítt navn við hondskrift' út, ein verkætlan, sum umfataði upplestur, tónleik og myndlist. Árið eftir kom yrkingasavnið 'Hvít sól' út.

Í august mánaði í 2020 kom annað yrkingasavnið hjá henni út, við heitinum 'Eg skrivi á vátt pappír'. Fyri hesa bókina fekk hon í oktober mánaði hetta árið Virðisløn M.A. Jacobsens fyri fagrar bókmentir.

Tekstir, útgivnir í Vencili

• Sjey stuttprosatekstir (stuttprosa). Nr. 14/2013, s. 25-31.
• Fimm stuttprosatekstir (stuttprosa). Nr. 15/2015, s. 41-45.

LP-plátuútgáva

• Mítt navn við hondskrift - 2014 (saman við Lasse Thorning Jæger og Hanni Bjartalíð)

Yrkingasøvn

• Hvít sól (Prosayrkingar) - Mentunargrunnur Studentafelagsins 2015
• Eg skrivi á vátt pappír (bókaútgáva í átta pørtum) - Forlagið Eksil 2020

• 2020 - Mentanarvirðisløn M.A. Jacobsens fyri fagrar bókmentir.

Lív Maria Róadóttir Jæger er dóttir Sólrun og Róa Patursson. Eldra systir Lív Mariu, Unn Patursson, hevur fingist við tónleik av ymsum slag í mong ár. Undanfarnu árini gjørdi hon eisini onkuntíð tónleikin til tekstir hjá yngru systir síni.

Lív Maria er gift við ljóðlistamanninum og tónleikaranum Lasse Thorning Jæger, sum gjørdi tónleikin til LP-plátuna 'Mítt navn við hondskrift' frá 2014.

• Ummæli: Eg skrivi á vátt pappír, mentanarrit.fo, 26. august 2020
• Omman bindur yrkingarnar hjá Lív saman, kvf.fo, 28. august 2020
• Hon skrivar so at tað hoyrist, listaportal.com, 4. september 2020
• Ummæli: “Tann skrivandi er ein onnur”, dimma.fo, 4. september 2020
• Sum stóð hon mitt á gólvinum her í stovuni^{[deyð leinkja]}, in.fo, 05.09.2020
• Tá ið omman verður poesi, kvf.fo, 09-10-2020