Petar Stoyanov

Nesta página se gasta una ortografía destinta ala que normalmenti se gasta ena Güiquipedia.

Jue presidenti de Bulgaria entre los añus 1997 y 2002. Él ganó las elecionis de 1996 comu candilatu de la coalición Unión de Juerzas Democráticas (UJD d'aquí palantri). En 2001, enque jue el más votáu ena primel ronda con poca diferencia con Georgi Parvanov, perdio ena segunda ronda posteriol y ganó Parvanov. Aluegu d'albandonal el cargu precuró vivil largu de l'atención de los meyus de comunicación unus cuantus d'añus.

Golvió a la política activa en 2005, cuandu lo eligierun biembru de la 40ª assamblea nacional. Alugu del resultáu tan malu que tuvu la UJD enas elecionis (8'4% del votu populal y 20 de los 240 escañus) jechó la culpa a la dirigenti del partíu Nadezhda Mihailova y s'enreó a critical la su política. El 1 d'otubri del 2005, la Conferencia Nacional de la UJD lo eligió presidenti. Enas primeras elecionis uropeas de Bulgaria del 20 de mayu del 2007 los votus a la UJD cayerun a mantenienti con un 1% de los votus namás. Alogu dispués Stoyanov arrenunció comu dirigenti.

Stoyanov nació en Plovdiv el 25 de mayo de 1952. Tuvu jormación en Derechu y ejerció d'abogáu entre 1978 y 1990 antis d'entralsi en política.