Envejecimientu

El envejecimientu los organismus y particularmenti el nuestru comu especi humana, á síu motivu de preocupación dendi hazi años.

La nuestra esperanza de vía á aumentau significativamenti en los últimus añus. El envejecimientu la población pué consideralsi un éxitu las políticas e salú pública y del desarrollu socioeconómicu manqui tamién es un retu pa toa sociedá ya que debi adaptalsi a esta nueva realidá. Con el envejecimientu, prencipia una seri de procesus e deterioru paulatinu d'órganos y las sus huncionis asociás. Una hartá enfermedadis, comu ciertus tipus e demencia, enfermedadis articularis, cardíacas y argunus tipus e cancru án síu asociaus al procesu d'envejecimientu.

Por esti motivu la investigación a nivel celular d'esti procesu á recibíu especial atención. Uno los hallazgus relevantis es que las células normalis están programás pa un númeru determinau de rondas divisionalis. Ca cromosoma posee en los sus extremus una seri de secuencias altamenti repetitivas y no codificantis denominás telómerus. Debíu al mecanismu de replicación del ADN las células, los telómerus se van acortandu con las sucesivas divisionis. Estu se ve atenuau pola existencia d'una enzima llamá telomerasa que realiza la replicación telómerica. Sin embargu, la actividá telomerasa hunciona en células embrionarias, pero se inactiva en células somáticas, lo que conlleva un acortamientu progresivu los telómerus cromosómicus; cuando'l tamañu los telómerus llega a un ciertu nivel mínimu, se desencadenan mecanismus que conducen a la muerti celular. Por esta razón, el acortamientu telómericu s'á asociau con el procesu d'envejecimientu celular. D'esta forma, el largu los telómerus representaría una especi de reloj genéticu que determinaría el tiempu de vía las células.

Internacionalmenti, en 1984 s'admitió por conveniu, qu'ancianu es toa persona mayor de 65 añus, edá coincidenti con la jubilación.

El envejecimientu está asociau con una produzión escesiva de radicalis libris y las alteracionis en los mecanismus d'adaptación a ichus radicalis. Un radical libri se crea a partil d'un enlaci débil dondi un electrón queä sin pareja. Estus radicalis libris son mu inestablis, polo que reazionan con facilidá pa encontral el electrón necesariu pa logral la su estabilidá. Una vezi que roban un electrón a otra molécula ésta se convertirá en un radical libri y asín se forma una cadena jata qu'irrumpin con una célula viva.

• Juan Carlos Izpisúa
• Aubrey de Grey
• Crecimientu humanu
• Desarrollu (biología)
• Esperanza de vía
• Senescencia
• Estrés oxidativu
• Geriatría
• Inmortalidá
• Longevidá
• Melatonina
• Reloj biológicu
• Envejecimientu la población
• Muerti
• Biomarcadoris d'envejecimientu
• Gerosicología clínica
• Genética d'el envejecimientu
• Supercentenariu
• Biodemografía la longevidá humana
• Envejecimientu d'Europa

•   En Commons ai conteníu multimedia sobre Envejecimientu.
• Global AgeWatch Estadística sobri el envejecimientu la población y la esperanza de vía
• Carta abierta de centíficus sobri la investigación del envejecimientu y el su aplazamientu
• Envejecimientu por pérdida d'enhormación genética
• Tercera Edá y Pobreza
• infogerontologia.com: Portal especializau en Gerontología con cerca de 300 documentus pa descargal