Las cibueñas son una familia d'avis de pescuezu lalgu, zancúas y acuáticas qu'habitan enas regionis más calias del mundu.
Nesta página se gasta una ortografía destinta ala que normalmenti se gasta ena Güiquipedia. |
Destribución | |
---|---|
Crassificación científica | |
Autol | |
Estau de conservación |
La su dieta consisti en ranas, pecis y avis chiqueninas u mamíferus.
En Uropa, esta gran avi migratoria es una aspeci mu quería que, a menú, jaði el su ñíu enos tejáus, chimeneas y campanarius de las ilesias.
S'alimenta enos campus y lugaris abbiertus, ondi hay humiá y abondu vía animal. Pa la atoñá, las cibueñas uropeas vuelan en bandás en dirección al sul, jaðia África, y pa la primavera audechan golvel al ñíu qu'ejarun seis mesis antis. Es habitual qu'usin el mesmu ñíu duranti muchus añus. Las cibueñas jaðin un característicu son rítmicu chiscandu de jolma repetía con el picu, "jiðiendu el gaspachu", cumu se iði populalmenti.
La mejol época pa guipal el vuelu las cibueñas esmienza ena primera quincena hebreru y llega jata finalis del vranu, intri en qu'esmienzan a pranifical la nueva migración. Pa ellu, s'arrejuntan enas plaeras, dende ondi s'alevantan en círculus ca ve más artus, anque, pola nochi, güervin a los sus ñíus. Conos primerus síntumas del hibielnu, sin embalgu, se van definitivaenti en bandás fácilis de vel duranti el día, a gran artura, anque sin mantenel ordin detelminá nenguna.
Ena actualiá estas avis están cambiandu los sus hábitus migratorius queándossi ena zona nidificación. Pol ejempru en Léria y las sus comalcas habitan colonias d'estas avis llegandu a nidifical en antenas, grúas y eificius varius. Juéndussi duranti el día jaðia las zonas humias, enas qu'atopan el su alimentu y gorviendu pal orijoscu en grupus jata la su posición noctulna. Enos anicius de primavera (finalis d'hibielnu) anician el corteju previu chiscandu con el picu y jiðiendu la danza caraiterística (torciendu el pescuezu d'abaju jata la dirección de cola).
This article uses material from the Wikipedia Estremeñu article Ciconiidae, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El testu está disponibri baju la Licéncia Creative Commons Attribution/Share-Alike; cláusulas adicionalis puén apricalsi. Guipai Terms of Use pa conocel más detallis. Güiquipeya es una marca rustria la Wiki Du học, una olganización sin ánimu de lucru. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Estremeñu (DUHOCTRUNGQUOC.VN) is an independent company and has no affiliation with Wiki Foundation.